புஷ்பானா பேரு இல்ல!… புஷ்பானா பிராண்டு!… செம மாஸா தெறிக்கவிட்ட புஷ்பா 2 டிரைலர்!…

அல்லு அர்ஜுன் நடிப்பில் உருவான புஷ்பா 2 திரைப்படத்தின் டிரைலர் தற்போது வெளியாகியிருக்கின்றது.

இயக்குனர் சுகுமார் இயக்கத்தில் கடந்த 2021 ஆம் ஆண்டு அல்லு அர்ஜுன், பகத் பாஸில், சுனில் ரெட்டி, ஜெகதீஷ் பிரதாப், ராஷ்மிகா மந்தனா உள்ளிட்டோர் நடிப்பில் வெளியாகி மிகப்பெரிய வெற்றியை கொடுத்த திரைப்படம் புஷ்பா. தேவி ஸ்ரீ பிரசாத் இந்த திரைப்படத்திற்கு இசையமைத்திருந்தார். தமிழ்நாடு- ஆந்திரா எல்லையில் நடைபெறும் செம்மரக்கடத்தல் மற்றும் அதன் அரசியலை பின்னணியாக வைத்து இந்த திரைப்படம் வெளியானது.

இதையும் படிங்க: பல நடிகைகளுக்கு தொல்லை!.. அம்மா நடிகைகளை கூட விட்டு வைக்கமாட்டாரு?!.. மீண்டும் சுசித்ரா!…

இந்த திரைப்படம் வெளியாகி தமிழ், தெலுங்கு, மலையாளம், ஹிந்தி உள்ளிட்ட மொழிகளில் வெளியாகி மிகப்பெரிய வெற்றியை கொடுத்தது. இதனால் இப்படத்தின் இரண்டாவது பாகத்தை எடுப்பதற்கு படக்குழுவினர் முடிவு செய்தனர். கடந்த மூன்று வருடங்களாக புஷ்பா 2 திரைப்படம் எடுக்கப்பட்டு வந்தது. முதல் பாகத்தை காட்டிலும் இரண்டாவது பாகம் மேலும் பிரம்மாண்டமாக இருக்க வேண்டும் என்பதற்காக மிகப்பெரிய பொருள்செலவில் இந்த திரைப்படத்தை இயக்கி இருக்கின்றார் இயக்குனர் சுகுமார்.

அதன்படி டிசம்பர் 5ஆம் தேதி உலக அளவில் இந்த திரைப்படம் வெளியாவது உறுதியாகி இருக்கின்றது. அதற்கான ஏற்பாடுகள் அனைத்தையும் படக்குழுவினர் விறுவிறுப்பாக செய்து வருகிறார்கள். இந்த திரைப்படம் தமிழ், தெலுங்கு, ஹிந்தி, கன்னடம், மலையாளம், பெங்காலி ஆகிய மொழிகளில் வெளியாவது தற்போது உறுதி செய்யப்பட்டிருக்கின்றது. முதல் பாகத்தில் சிறிது நேரம் வந்தாலும் மிகப்பெரிய வரவேற்பை பெற்றிருந்தார் நடிகர் பகத் பாஸில்.

இரண்டாவது பாகத்தில் அவரின் நடிப்பை எதிர்பார்த்து ரசிகர்கள் காத்திருக்கிறார்கள். மேலும் நடிகை சமந்தா முதல் பாகத்தில் கவர்ச்சி நடனம் ஆடி இருந்த நிலையில் இரண்டாவது பாகத்தில் நடிகை ஸ்ரீ லீலா குத்துப்பாட்டிற்கு நடனமாடி இருக்கின்றார். மிகப்பெரிய பட்ஜெட்டில் படத்தை எடுத்துள்ள காரணத்தால் படத்தின் ப்ரோமோஷன் நிகழ்ச்சிகளை மிகப்பெரிய அளவில் செய்வதற்கு படக்குழுவினர் முடிவு செய்திருக்கிறார்கள்.

இந்நிலையில் தற்போது படத்தின் டிரைலர் வெளியாகி இருக்கின்றது. 2.48 நிமிடம் ஓடும் இந்த வீடியோ மிகப் பிரம்மாண்டமாக இருக்கின்றது. அதிலும் ‘புஷ்பா என்றால் பெயர் இல்லை புஷ்பா என்றால் பிராண்ட்’ என்று கூறும் வசனம், அதைத் தொடர்ந்து பகத் பாசிலின் வில்லத்தனத்தில் ‘பார்ட்டி கட்டாயம் இருக்கு புஷ்பா’ என்கின்ற வசனம் அனைத்தும் வேற லெவல் இருக்கின்றது.

இதையும் படிங்க: நேத்து வந்தவர்களுடன் ஆட்டம் போடும் ரஜினி.. அட்லீனா மட்டும் ஏன் ஓடி ஒதுங்குறாரு தெரியுமா?

முதல் பாகத்தை காட்டிலும் கட்டாயம் இரண்டாவது பாகம் மிகப்பெரிய வெற்றியை கொடுக்கும் என்று டிரைலரை பார்த்த ரசிகர்கள் பலரும் கூறி வருகிறார்கள். படத்தில் நடிகர் அல்லு அர்ஜுனின் நடிப்பு மற்றும் போலீசாக வரும் வில்லத்தனம் அனைத்துமே செம மாஸாக இருக்கின்றது. டிசம்பர் 5ஆம் தேதி படம் வெளியாக இருப்பதால் ரசிகர்கள் மிகுந்த ஆர்வத்துடன் இருந்து வருகிறார்கள்.