புருஷனை வேவு பார்க்க வேலைக்காரியை அனுப்பிய பாவம்!.. கடைசியில ட்விஸ்ட்டு.!. சைரன்ஸ் விமர்சனம்!..

சூர்யாவின் ரெட்ரோ, நானியின் ஹிட் 3 என வரிசையாக கல்ட் படங்களை வாங்கி வெளியிடும் நெட்பிளிக்ஸ் நிறுவனம் ஹாலிவுட்டில் இருந்து அதே போல ஒரு கல்ட் வெப்சீரிஸை இறக்கியுள்ளது. அதுவும் தமிழ் டப்பிங் உடன் வெளியான நிலையில், செம பயங்கரமாக இருக்கும் என ரசிகர்கள் ஆரம்பத்தில் இருந்தே பயத்துடன் பார்த்தால், கடைசியில் செம காமெடி டிராமாவாக மாறிவிட்டது.

மோலி ஸ்மித் மெட்சியர் இயக்கத்தில் மேகன் ஃபாகி, மில்லி ஆல்காக், ஜூலியானா மூர் மற்றும் ஹாலோமேன் பட ஹீரோ கெவின் பேக்கன் என ஏகப்பட்ட நட்சத்திரங்கள் நடிப்பில் உருவாகியுள்ள இந்த வெப்சீரிஸ் சமீபத்தில் நெட்பிளிக்ஸ் ஓடிடி தளத்தில் வெளியானது.

ஹாலோ மேன் படத்தில் நடித்து ஹாலிவுட் ரசிகர்களை கவர்ந்த கெவின் பேக்கன் தான் இந்த படத்தின் முக்கிய கதாபாத்திரம். பீட்டர் கெல் எனும் கதாபாத்திரத்தில் சொந்தமாக ஒரே தீவையே வைத்திருக்கும் பெரிய பணக்காரராக உள்ளார்.

ஆனால், அவரையும் அந்த தீவையும் மொத்தமாக கட்டி ஆண்டு வருவது அவருடைய 2வது மனைவியான மிச்செல்லா தான். பருந்து, ஆந்தை போன்ற காட்டு பறவைகளை தீவில் பாதுகாத்து வருவது, காலா எனும் பெயரில் பணக்காரர்களை அழைத்து விருந்து வைப்பது என மிச்செல்லா ரொம்பவே புரியாத புதிராக உள்ளார்.

தனது தங்கையை தேடி வரும் மேகன் ஃபாகிக்கு மிச்செல்லாவின் பர்சனல் செக்ரட்டரியாக இந்த தீவில் அவர் வேலை செய்வது தெரிய வருகிறது. தீவை விட்டு அவரது அக்காவை வெளியேற்றி போலீஸ் ஸ்டேஷனில் குற்றவாளியாக உட்கார வைத்து, வார்ன் செய்து அனுப்புகிறார் மிச்செல்லா.

காவல் நிலையத்தில், அந்த பணக்காரரின் முதல் மனைவியையே மிச்செல்லா தான் கொன்றுவிட்டார் என்றும் அவர் ஒரு மான்ஸ்டர் என்றும் பக்கத்து செல்லில் இருக்கும் சக பெண் கைதி கூறுகிறார். தனது தங்கையை எப்படியாவது அந்த மான்ஸ்டரிடம் இருந்து காப்பாற்ற வேண்டும் என்றும் அவர் செய்யும் கல்ட் விஷயங்களை அம்பலப்படுத்த வேண்டும் என்பதற்காக மீண்டும் அத்துமீறி அந்த தீவுக்குள் செல்கிறார்.

ஜப்பானுக்கு சென்று விட்டு திரும்பியதாக கூறும் மிச்செல்லாவின் கணவர் வாங்கி வந்த சாக்லெட் பாக்ஸ் டூப்ளிகேட் என்றும் லோக்கலில் வாங்கி ஏமாத்துகிறார் என்பதை கண்டறியும் மிச்செல்லா, தனது அசிஸ்டன்ட்டான நடிகை மில்லி ஆல்காக்கிடம் சொல்லி வேவு பார்க்க சொல்கிறார்.

வேவு பார்க்கச் சென்ற இடத்தில் என்ன ஆனது? கடைசியில் யாரு ரியல் மான்ஸ்டர் என்கிற கேள்விகளுக்கு விடையாக இந்த வெப்சீரிஸ் கிளைமேக்ஸ் அமைந்துள்ளது. ஒரு சில அடல்ட் காட்சிகள் இருந்தாலும், தமிழ் டப்பிங்கில் ஓவரான ஆபாச காட்சிகள் இல்லாமல் கட் செய்யப்பட்டுள்ளன. ஆரம்பத்தில் இருந்தே த்ரில்லிங் அனுபவத்துடன் ஒரு ஹாரர் படம் பார்க்கும் அனுபவத்தை கொடுக்கும் இந்த வெப்சீரிஸ் கடைசியில் ஒரு டார்க் காமெடி வெப்சீரிஸாக முடிவடைவது சற்றே ஏமாற்றத்தை அளிக்கிறது.