இனிமேல் குக் வித் கோமாளில தலை வச்சு கூட படுக்க மாட்டேன்!.. ஷிவாங்கியின் முடிவுக்கு காரணம் என்னனு தெரியுமா?..

விஜய் டிவியின் மூலம் சின்னத்திரைக்கு அறிமுகமானவர் பாடகி சிவாங்கி. விஜய் டிவியில் மிகவும் பிரபலமான தொலைக்காட்சி நிகழ்ச்சிகளில் ஒன்று சூப்பர் சிங்கர் நிகழ்ச்சி. அந்த நிகழ்ச்சியின் மூலம் அறிமுகமானவர்தான் சிவாங்கி. தன்னுடைய கொஞ்சும் தமிழால் அனைவரையும் கவர்ந்தவர். கொஞ்சிக் கொஞ்சிப் பேசினாலும் அவர் குரலில் வெளிவரும் பாடலின் இனிமை அனைவரையும் பிரமிக்க வைக்கும்.

சினிமா பாடல்கள் சிலவற்றைப் பாடியுள்ள சிவாங்கி தற்போது விஜய் டிவியில் அனைவருக்கும் பிடித்தமான நிகழ்ச்சியான குக் வித் கோமாளியில் குக்காக கலக்கிக் கொண்டு வருகிறார். நான்காவது சீசனில் ஓடிக்கொண்டிருக்கும் குக் வித் கோமாளி நிகழ்ச்சியில் கடந்த மூன்று சீசன்களில் கோமாளியாகவே சிவாங்கி வந்து அனைவரையும் மெய்சிலிர்க்க வைத்தார்.

சமையல் பற்றியே தெரியாத சிவாங்கி இந்த சீசனில் குக்காக வந்ததை அறிந்து ரசிகர்கள் அனைவரும் ஆச்சரியமாக பார்த்தனர். ஆனால் விதவிதமான ரெசிப்பிகளை செய்து காட்டி நடுவர்களையும் சரி ரசிகர்களையும் சரி ஆச்சரியப்படுத்தி வருகிறார் சிவாங்கி. இந்த நிலையில் ரசிகர்கள் பலர் கேட்ட கேள்விகளுக்கு சிவாங்கி தன்னுடைய பதில்களை ஒரு பேட்டியின் மூலம் கூறி இருக்கிறார்.

அதில் ரசிகர் ஒருவர் “இந்த சீசனில் குக்காக வந்து கலக்கிக் கொண்டிருக்கும் நீங்கள் இனிமேல் கோமாளியாக குக் வித் கோமாளி நிகழ்ச்சியில் பங்கேற்பீர்களா?” என்று கேட்டார். அதற்கு பதில் அளித்த சிவாங்கி “இதுதான் என்னுடைய கடைசி சீசன்” என்று பதில் அளித்திருக்கிறார். இவர் கூறிய இந்த பதிலால் சிவாங்கி ரசிகர்கள் பெரும் அதிர்ச்சியில் உறைந்திருக்கின்றனர்.

இவர் சொன்ன பதிலால் இனிமேல் குக் வித் கோமாளி நிகழ்ச்சியில் பங்கேற்கப் போவதில்லை என்று அவர் மறைமுகமாக தெரிவித்திருக்கிறார் என்று அனைவரும் கருதி வருகின்றனர். மேலும் இதுவரை என்னுடைய பெஸ்ட் களை நான் கொடுத்து இருக்கிறேன். அதற்கு உங்களுக்கு நன்றி என்றும் சிவாங்கி கூறி இருக்கிறார். மேலும் கோமாளியாக இருந்து குக்காக இப்போது மாறி இருப்பதால் ஏராளமான பாசிட்டிவ் நெகட்டிவ் கமெண்டுகள் வந்து கொண்டே இருந்தன. முதலில் அதைப் பார்த்து மிகவும் பயந்தேன். பின்னாளில் அதுவே எனக்கு பழக்கமாகிவிட்டது என்று கூறியிருக்கிறார் சிவாங்கி.

இதையும் படிங்க : நாகேஷ் சொன்ன அந்த ஒரு வார்த்தை!.. அவர் வாழ்க்கையையே பாதிச்சிடுச்சு.. உண்மையை வெளிப்படுத்திய பத்திரிக்கையாளர்…