அரசன் படத்துக் கதை இதுதாங்க… சிவகார்த்திகேயன் படத்தோடு சிம்பு மோதுகிறாரா?

நடிகர் சிம்பு தற்போது நடித்து வரும் அரசன் படத்தை வெற்றி மாறன் இயக்கி வருகிறார். அனிருத் இசை அமைத்துள்ளார். இதே படத்தில் விஜய் சேதுபதி, பிரியங்கா அருள் மோகன். ஆண்ட்ரியா, சமுத்திரக்கனி மற்றும் கிஷோர் உள்பட பலர் நடித்துள்ளனர். இந்தப் படத்தின் கதை என்ன? சிவகார்த்திகேயன் படத்தோடு மோதலா? வாங்க பார்க்கலாம்.

வடசென்னை படத்துல ஒரு சம்பவம் நடக்குது. தனுஷ் ஜெயிலுக்குப் போயிடுவாரு. அந்த சமயத்துல ஜெயிலுக்கு வெளியில என்னென்ன சம்பவம் நடக்குதுங்கறதுதான் அரசன் படத்தோட கதை. அப்படித்தான் பிளான் பண்ணிருக்காங்க. அக்டோபர்ல ரிலீஸ் அப்படிங்கற மாதிரி பிளான் பண்ணிருக்காங்களாம். அதே மாதம் தான் சிவகார்த்திகேயன் நடித்த சேயோன் படமும் வருதாம்.

சூர்யா நடிக்குற கருப்பு படத்துல இசை அமைப்பாளர் சாய் அபியங்கர் கேட்டதுக்காக ஒரு பாடலைப் பாடி கொடுத்துள்ளார் சிம்பு. சேயோன் படத்தோட மோதி சிவகார்த்திகேயனை வீழ்த்தணும் என்பது சிம்புவின் பிளான் அல்ல. நம்ம படம் ஃபெஸ்டிவல் டைம்ல ரிலீஸ் ஆகணும்னு அவர் விரும்புகிறாரு. ஆனா இந்தப் படத்துல இருக்குற நடிகர்களை வைத்துப் பார்க்கும்போது இதெல்லாம் கரெக்டா நடக்குமான்னு தெரியல என்கிறார் வலைப்பேச்சாளர் பிஸ்மி.

அரசன் படத்தின் புரொமோ வீடியோ ரிலீஸ் ஆகி ரசிகர்களை ரொம்பவே கவர்ந்தது குறிப்பிடத்தக்கது. அதில் சிம்புவின் கெட்டப் முற்றிலும் வித்தியாசமாகத் தெரிகிறது. வெற்றிமாறன் வடசென்னை மாதிரி இன்னொரு தரமான சம்பவம் பண்ணப் போறாரு என்று தான் தெரிகிறது.