Karthi: அஜித்தை கழட்டிவிட்ட சிறுத்தை சிவா!… தம்பி நடிகருடன் கூட்டணி!… அந்த படத்தோட லைன் அப்-போ?!…

இயக்குனர் சிறுத்தை சிவா நடிகர் கார்த்திக்கை வைத்து அடுத்த திரைப்படத்தை இயக்க இருப்பதாக தகவல் வெளியாகி இருக்கின்றது.

சிறுத்தை சிவா: தமிழ் சினிமாவில் மிகப் பிரபலமான இயக்குனர்களில் ஒருவராக வலம் வருபவர் நடிகர் சிறுத்தை சிவா. நடிகர்கள் அனைவருக்கும் மிகவும் பிடித்த இயக்குனர் என்றே இவரை கூறலாம். இயக்குனராக மட்டுமில்லாமல் ஒளிப்பதிவாளர், திரைக்கதை ஆசிரியர் என பன்முகத்தன்மை கொண்டவர். 2011 ஆம் ஆண்டு கார்த்தி நடிப்பில் வெளிவந்த சிறுத்தை என்கின்ற திரைப்படத்தை இயக்கி இயக்குனராக அறிமுகமானார். முதல் திரைப்படத்திலேயே பிளாக்பஸ்டர் ஹிட் கொடுத்த நிலையில் தொடர்ந்து முன்னணி நடிகர்களை வைத்து படங்களை இயக்கினார்.

இதையும் படிங்க: Serial Actress: போதைப்பொருள் கடத்தல்!… சென்னை மாலில் வசமாக மாட்டிக்கொண்ட ‘சுந்தரி’ சீரியல் நடிகை!…

அஜித்துடன் கூட்டணி: நடிகர் அஜித்துக்கு மிகவும் பிரியமான இயக்குனர்களில் சிறுத்தை சிவாவும் ஒருவர். சிறுத்தை சிவா மற்றும் அஜித் கூட்டணியில் வீரம், விவேகம், விஸ்வாசம் உள்ளிட்ட திரைப்படங்கள் வெளியாகி இருக்கின்றன. இப்படங்கள் அனைத்துமே மிகப்பெரிய வரவேற்பை பெற்றிருந்தது. அடுத்ததாகவும் ஒரு புதிய திரைப்படத்தில் அஜித் உடன் இணைந்து பணியாற்ற இருப்பதாக தகவல் வெளியாகி வருகின்றது.

கங்குவா: இயக்குனர் சிறுத்தை சிவா கடைசியாக அண்ணாத்த என்கின்ற திரைப்படத்தை இயக்கியிருந்தார். இந்த திரைப்படம் ரசிகர்களிடையே கலவையான விமர்சனங்களை பெற்றிருந்தது. இதனை தொடர்ந்து சூர்யாவை வைத்து கங்குவா என்கின்ற திரைப்படத்தை இயக்கியிருக்கின்றார்.

கடந்த ஒன்றரை வருடங்களாக இப்படம் எடுக்கப்பட்டு வருகின்றது. பீரியட் படமாக உருவாகி இருக்கும் இப்படம் வருகிற நவம்பர் 14ஆம் தேதி திரையரங்குகளில் வெளியாக இருக்கின்றது. இப்படத்தை எதிர்பார்த்து தமிழ் சினிமா ரசிகர்கள் மிகுந்த ஆர்வத்துடன் காத்திருக்கிறார்கள். இந்த திரைப்படம் நடிகர் சூர்யாவுக்கு மட்டுமின்றி சிறுத்தை சிவாவுக்கும் முக்கிய படமாக பார்க்கப்பட்டு வருகின்றது.

அண்ணாத்த திரைப்படத்தின் தோல்வி காரணமாக பல்வேறு விமர்சனங்களை எதிர்கொண்ட சிறுத்தை சிவா இப்படத்தின் மூலம் மீண்டு வருவார் என்று கோலிவுட் வட்டாரங்களில் தெரிவித்து வருகிறார்கள். மேலும் கங்குவா திரைப்படம் மிகப்பெரிய பொருட்செலவில் 30க்கும் மேற்பட்ட மொழிகளில் மொழிபெயர்க்கப்பட்டு உலகம் முழுவதும் வெளியாக உள்ளது. படத்தின் ப்ரோமோஷன் வேலைகள் விறுவிறுப்பாக நடைபெற்று வருகின்றன.

அஜித்தை கழட்டிவிட்டு சிவா: கங்குவா திரைப்படத்தின் வேலைகள் அனைத்தும் முடிவடைந்த நிலையில் சிறுத்தை சிவா அடுத்ததாக யாரை வைத்து படம் இயக்கப் போகின்றார் என்ற கேள்வி எழுந்துள்ளது. கடந்த சில தினங்களுக்கு முன்பு சிறுத்தை சிவா இயக்கத்தில் அஜித் புதிய திரைப்படத்தில் நடிக்க இருப்பதாக கூறப்பட்டு வந்தது. ஆனால் தற்போது சிறுத்தை சிவா அஜித்தை வைத்து திரைப்படத்தை இயக்கவில்லை என்று கூறப்படுகின்றது.

இதையும் படிங்க: Nayanthara: நயன்தாரானாலே பேரழகி தானே?!… படம் ரேஞ்சுக்கு பில்டப்!… வெளியான மேரேஜ் ட்ரைலர்!…

கார்த்தியுடன் கூட்டணி: சிறுத்தை சிவா அடுத்ததாக நடிகர் கார்த்தியை வைத்து புதிய திரைப்படத்தை இயக்க இருப்பதாக தகவல் வெளியாகி இருக்கின்றது. ஏற்கனவே சிவா கார்த்திக் கூட்டணியில் உருவான சிறுத்தை திரைப்படம் மிகப்பெரிய வெற்றி பெற்ற நிலையில் மீண்டும் இவர்கள் இணைய இருப்பது மிகப்பெரிய எதிர்பார்ப்பை ஏற்படுத்தி இருக்கின்றது.

மேலும் சிறுத்தை 2 திரைப்படத்தை இயக்கப் போகிறாரா? என்று பலரும் கேள்வி எழுப்பி வருகிறார்கள். இதற்கிடையில் கங்குவா திரைப்படத்திலேயே கார்த்தி வில்லனாக நடித்திருப்பதாகவும் சமூக வலைதள பக்கங்களில் தகவல் வெளியாகி வருகின்றது. இது எந்த அளவுக்கு உண்மை என்பது தெரியவில்லை.