போங்கப்பா நீங்களாம் தாங்க மாட்டீங்க… மீண்டும் சிறுத்தை சிவாவின் ஸ்கெட்ச்…

Siruthai siva: கங்குவா திரைப்படம் மோசமான விமர்சனங்களை குவித்து வரும் நிலையில் அப்படத்தின் இயக்குனரின் அடுத்த படம் குறித்த அப்டேட் இணையத்தில் கசிந்து இருக்கிறது.

சிறுத்தை சிவா: ஒளிப்பதிவாளராக தன்னுடைய சினிமா வாழ்க்கையை தொடங்கியவர் சிவா. முதலில் 10 படங்கள் ஒளிப்பதிவாளராக இருந்தார். தொடர்ந்து இயக்குனராக தெலுங்கு சினிமாவில் கால் பதித்தார். நடிகர் கோபிசந்தை வைத்து செளர்யம் மற்றும் சங்கம் படங்களை தெலுங்கில் இயக்கினார்.

அப்படம் ஓரளவு வரவேற்பை பெற தமிழில் சிறுத்தை படத்தை இயக்கினார். இப்படத்தில் கார்த்தி, தமன்னா நடித்திருந்தனர். சிறுத்தை மிகப்பெரிய அளவில் ஹிட் படமாக அமைந்தது. இதையடுத்து சிறுத்தை சிவா தமிழில் நான்கு படங்களை அஜித்தை வைத்து இயக்கினார்.

இதையும் படிங்க: கோபியை கிழித்த ராதிகா… பண விஷயத்தை கறந்த ரோகிணி… செந்திலை கஷ்டப்படுத்தும் பாண்டியன்..

அஜித் மற்றும் சிவாவின் கூட்டணி: பொதுவாக அஜித் தொடர்ச்சியாக ஒரே இயக்குனருடன் பணியாற்றுவது என்பது அபூர்வமான விஷயம்தான். ஆனால் அந்த ஆச்சரியத்தை கொடுத்தது சிவா மட்டுமே. ஒன்று இல்லை தொடர்ச்சியாக நான்கு படங்களில் இணைந்தனர்.

இருவர் கூட்டணியில் உருவான படங்களுக்கு வ வரிசையில் பெயர் வைக்கப்பட்டது. வீரம், விவேகம், வேதாளம், விஸ்வாசம் என வெளியான படங்கள் வெற்றி படங்களாகவே அமைந்தது. நான்கு படங்களுமே வெற்றி வரிசையில் இருக்க சிறுத்தை சிவா ரஜினியுடன் இணைந்தார்.

சிவாவின் போதாத காலம்: அஜித் மற்றும் சிவா இருவரும் இணைந்து வெளியிட்ட நான்கு படங்களும் வெற்றி படங்களாக அமைந்துள்ளது. ஆனால் சூப்பர்ஸ்டாருடன் சிவா இணைந்து உருவான அண்ணாத்தே மோசமான விமர்சனத்தை குவித்தது. வசூலிலும் செம அடி வாங்கியது. இதையடுத்து சிவா சூர்யாவை வைத்து வரலாற்று படமாக இயக்கிய கங்குவா நேற்று உலகமெங்கும் வெளியானது.

பெரிய எதிர்பார்ப்புடன் வெளியான இப்படம் ரசிகர்களிடம் மோசமாக விமர்சிக்கப்பட்டு வருகிறது. படம் பெரிய அளவு வசூல் குவிக்காது என்றும் படம் முழுவதும் எல்லாரும் கத்திக்கொண்டே இருப்பதாக பல மொழி ரசிகர்கள் விமர்சித்து வருகின்றனர்.

இதையும் படிங்க: Kanguva: ஒரே படத்துல நடுத்தெருவுக்கு வரப்போறாரு?!… 2000 கோடி அம்பேல்… இப்படி போட்டு பொளக்குறீங்களே!…

ஐந்தாவது படம்: இந்நிலையில் நடிகர் அஜித்துடன் சிறுத்தை சிவா ஐந்தாவது முறையாக இணைகிறார். அஜித்தின் இந்த படத்தை தெலுங்கு நிறுவனம் தான் மீண்டும் தயாரிக்க இருக்கின்றது. விரைவில் குட் பேட் அக்லி திரைப்படத்தின் ஷூட்டிங் முடிந்துவிடும். 

தொடர்ந்து சிவாவின் கூட்டணியில் உருவாகும் இப்படத்தின் படப்பிடிப்பு அடுத்தாண்டு கடைசியிலோ அல்லது 2026ம் ஆண்டு மே மாதத்திலோ தொடங்கும் என எதிர்பார்க்கப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியிடப்படும் என எதிர்பார்க்கப்படுகிறது.