சிவகார்த்திகேயன் நடிப்பில் வெளியான அமரன் திரைப்படம் 12 நாட்களில் 250 கோடியை தாண்டி இருப்பதாக தகவல் வெளியாகி உள்ளது.
அமரன் திரைப்படம்: தமிழ் சினிமாவில் சிவகார்த்திகேயன் நடிப்பில் கடந்த தீபாவளியை முன்னிட்டு வெளியான திரைப்படம் அமரன். நம் நாட்டிற்காக வீர மரணம் அடைந்த மேஜர் முகுந்த் வரதராஜன் அவர்களின் வாழ்க்கையை மையமாக வைத்து இப்படத்தை இயக்கியிருந்தார் ராஜ்குமார் பெரியசாமி. கமல்ஹாசன் அவர்களின் ராஜ்கமல் ஃபிலிம் இன்டர்நேஷனல் நிறுவனம் இந்த திரைப்படத்தை தயாரித்திருந்தது.
இதையும் படிங்க: Nepoleon: அவரு பேருவச்ச ராசி!… உலகம் முழுவதும் ஃபேமஸ் ஆகிட்டேன்?!… குருநாதரை புகழ்ந்த நெப்போலியன்…!
வசூல் பேட்டை: தீபாவளி பண்டிகைக்கு வெளியான முதல் நாளில் இருந்தே அமரன் படம் திரையரங்குகளில் சக்க போடு போட்டு வருகின்றது. படம் வெளியான மூன்றே நாட்களில் உலகம் முழுவதும் 100 கோடிக்கு மேல் வசூல் செய்து சாதனை படைத்தது. சிவகார்த்திகேயன் நடித்த திரைப்படங்களிலேயே அதிக வசூல் செய்த திரைப்படம் அமரன்.
சிவகார்த்திகேயன்: அமரன் திரைப்படத்தில் யாரும் எதிர்பார்க்காத அளவுக்கு நடிகர் சிவகார்த்திகேயன் நடிப்பு மிக நேர்த்தியாக இருந்தது. மேஜர் முகுந்த் வரதராஜன் அவர்களின் கதாபாத்திரத்தை நம் கண் முன்னே கொண்டு வந்து நிறுத்தி இருந்தார். அதேபோல அவரின் மனைவி இந்து ரெபேக்கா வர்கீஸ் கதாபாத்திரத்தில் நடிகை சாய் பல்லவி மிக சிறப்பான நடிப்பை வெளிப்படுத்தி அனைவரையும் கட்டி போட்டு விட்டார்.
சிவகார்த்திகேயன் மார்க்கெட்: இந்த ஒரு திரைப்படத்தின் மூலமாக நடிகர் சிவகார்த்திகேயனின் மார்க்கெட் தமிழ் சினிமாவில் எங்கேயோ சென்றுவிட்டது என்று தான் கூற வேண்டும். தமிழ் மட்டுமில்லாமல் பிற மொழிகளிலும் இவருக்கு என்று தனி ரசிகர்கள் பட்டாளம் உருவாகும் அளவுக்கு அமரன் திரைப்படம் மிகப்பெரிய தாக்கத்தை ஏற்படுத்தி இருக்கின்றது.
கையில் ஏகப்பட்ட திரைப்படங்களை வைத்திருக்கும் சிவகார்த்திகேயன் தனது சம்பளத்தையும் 50 கோடி வரை உயர்த்தி இருக்கின்றார். மேலும் அடுத்தடுத்து பெரிய பெரிய இயக்குனர்களுடன் கைகோர்த்து புதிய திரைப்படங்களில் நடித்து வருகின்றார். சிவகார்த்திகேயன் நடிப்பில் வெளிவந்த திரைப்படங்களிலேயே அமரன் திரைப்படம் அவரது கெரியரில் முக்கிய படமாக இருக்கும் என்று கூறப்படுகின்றது.
250 கோடி: படம் வெளியானது முதலே தொடர்ந்து புது புது சாதனைகளை படைத்து வருகின்றது. படம் வெளியான மூன்று நாட்களில் 100 கோடிக்கு மேல் வசூல் செய்து சாதனை படைத்த நிலையில், தற்போது 12 நாட்களில் 250 கோடியை கடந்திருப்பதாக சமூக வலைதள பக்கங்களில் தகவல் வெளியாகி வருகின்றது. இந்த வாரத்திற்குள் அமரன் திரைப்படம் கட்டாயம் 275 கோடியிலிருந்து 300 கோடி வரை வசூல் செய்யும் என்று பலரும் கூறி வருகிறார்கள்.
இதையும் படிங்க: Amaran: வாய வச்சுக்கிட்டு சும்மாவே இருக்கமாட்டாரா? அமரன் பற்றி ஞானவேல்ராஜா சொன்னத கேளுங்க
டாப் நடிகர்கள்: அமரன் திரைப்படம் 250 கோடி வசூலை எட்டிய நிலையில், 250 கோடி வசூலை கடந்த தமிழ் நடிகர்களான ரஜினிகாந்த், கமலஹாசன், விஜய் ஆகியோர் வரிசையில் நான்காவது இடத்தை சிவகார்த்திகேயன் பிடித்திருக்கின்றார். இது அவரது ரசிகர்களுக்கு மிகப்பெரிய மகிழ்ச்சியை ஏற்படுத்தியிருக்கின்றது.
தமிழ் சினிமாவில்…
கங்குவா திரைப்படம்…
சூப்பர்ஸ்டார் ரஜினிகாந்தை…
இட்லி கடை…
கங்குவா படத்தின்…