தமிழ் சின்னத்திரை சுவாரஸ்யம்: நோ லவ்… சூழ்நிலையால் ஜோடியாகி ஹிட் அடித்த டாப் 4…

தமிழ் சின்னத்திரையில் ஏகப்பட்ட சீரியல்கள் ஒளிபரப்பப்பட்டு வந்தாலும் இன்னமும் அவர்கள் எடுக்கும் கதையை நம்பி தினமும் பார்க்கும் தாய்மார்கள் தான் இங்க எக்கசக்கம். அந்த வகையில் நிறைய சீரியல்கள் என்ன எடுக்கிறோம் என்றே தெரியாத லெவல் செல்கிறது. 

முன்பெல்லாம் சீரியல்களின் கதை 2 மாசம் கடந்தும் கூட ஒரு குறிப்பிட்டு காட்சியை ஒளிபரப்பிக்கொண்டு இருப்பார்கள். ஆனால் அதை மாற்றும் விதமாக உள்ளே வந்தது விஜய் டிவி. ஓவர் வில்லி ரோல் இல்லாமல் சாதாரண மக்கள் கதையாக இன்னமும் ஒளிபரப்பி வருவதால் பலர் விஜய் பக்கம் தாவிவிட்டனர். 

அந்த வகையில் விஜய் தொலைக்காட்சியிலும் வித்தியாசமான கதைகளத்தில் நிறைய சீரியல்கள் ஒளிபரப்பாகி வருகிறது. அந்த வகையில் ஒரு குறிப்பிட்ட விஷயம் தற்போது பரபரப்பாக பேசப்பட்டு வருகிறது. அதாவது லவ் செய்யாமல் சூழ்நிலையால் கல்யாணம் செய்துக்கொண்ட ஜோடி ரசிகர்களிடம் வெகு பிரபலமாகி வருகின்றனர்.

அந்த வகையில் லேட்டஸ்ட் லிஸ்ட்டில் நான்கு ஜோடிகள் பட்டியலின் முதலிடத்தில் இருக்கின்றனர். அய்யனார் துணை சீரியல் சோழன் நிலாவுக்கு தான். இவர்கள் திருமணம் செல்லாது என்றாலும் சோழன் நிலா மீது லவ்விலும், நிலா சோழன் மீது ஒருவிதமான பாசத்திலும் டாம் அண்ட் ஜெர்ரி போல இருவரும் வலம் வருகின்றனர். 

அடுத்து, மகாநதி சீரியலின் காவேரி விஜய்க்கு தான். விகா என நிறைய ரசிகர்கள் இன்ஸ்டாவில் பேஜ் தொடங்கி இவர்கள் ரொமான்ஸை வைரலாக்கி வருகின்றனர். அந்த வகையில் இவர்கள் ரசிகர்களிடம் செம ஹிட். ஆனால் இவர்கள் இருவரும் இன்னமும் சரியாக இணைந்து வாழவில்லை. பல கட்டங்களை தாண்டி குழந்தை பிறக்க இருந்த நிலையில் விபத்து நடந்து காவேரிக்கு எல்லாம் மறந்துவிட்டது. 

விஜயுக்கும் அவள் இறந்துவிட்டாள் எனக் கூறப்பட்ட நிலையில் சீரியல் 5 வருடம் ஓடிவிட்டதாக காட்டி தற்போது இளம் ஜோடி பேரண்ட்ஸாகி லவ் செய்ய போகிறார்கள் போல. அடுத்து பாண்டியன் ஸ்டோர்ஸ்2 ராஜி மற்றும் கதிர். இவர்களுக்கும் இதே கதை தான். 

முறைத்துக்கொண்டு திரிந்தவர்களுக்கு கோமதி கல்யாணம் செய்து வைக்க தற்போது இருவரும் காதல் ரொமான்ஸ் செய்ய தொடங்கிவிட்டனர். இவர்களை தொடர்ந்து தற்போது அழகே அழகு சீரியலின் சுரேஷ் அழகுமதிக்கும் திடீர் திருமணம் முடிந்துள்ளது. அப்போ அடுத்து இன்னும் சில மாதங்களில் ரொமான்ஸ் பத்திக்கும் என்றே நம்பப்படுகிறது.