பக்தி முத்திடுச்சு போலேயே!.. மனைவி ஜோதிகாவுடன் மூகாம்பிகை கோவிலுக்கு சென்ற சூர்யா!..

நடிகர் சூர்யாவும் ஜோதிகாவும் கர்நாடகாவின் கொல்லூர் மூகாம்பிகை கோயிலுக்கு சென்று சாமி தரிசனம் செய்த புகைப்படங்கள் இணையத்தில் வைரலாகி வருகின்றது.

நடிகர் சூர்யா நடிப்பில் கடந்த நவம்பர் 14ஆம் தேதி மிகுந்த எதிர்பார்ப்புக்கு மத்தியில் திரையரங்குகளில் வெளியான திரைப்படம் கங்குவா. கடந்த இரண்டு வருடங்களாக இயக்குனர் சிறுத்தை சிவா இந்த திரைப்படத்தை இயக்கியிருந்தார். மேலும் ஸ்டுடியோ கிரீன் நிறுவனம் சார்பாக ஞானவேல் ராஜா இந்த திரைப்படத்தை தயாரித்திருந்தார்.

இதையும் படிங்க: Biggboss Tamil: மாஸ் காட்டுறேனு மக்கா இருக்காதீங்க… தர்ஷிகாவை பொளக்கும் ரசிகர்கள்…

உலகம் முழுவதும் 10-க்கும் மேற்பட்ட மொழிகளில் மொழிபெயர்க்கப்பட்டு பேன் இந்தியா திரைப்படமாக கடந்த நவம்பர் 14ஆம் தேதி இப்படம் வெளியானது. படம் குறித்து படக்குழுவினர் ப்ரோமோஷன் நிகழ்ச்சிகளில் மிகப்பெரிய அளவில் பேசி பில்டப் கொடுத்து வைத்திருந்தார்கள். ஆனால் படம் வெளியாகி எந்த எதிர்பார்ப்பையும் பூர்த்தி செய்யவில்லை. இது ரசிகர்களை மிகுந்த கோபமடைய செய்தது.

இதனால் படத்திற்கு கடுமையான விமர்சனங்களை கொடுத்து வந்தார்கள். படம் எதிர்பார்த்த அளவிற்கு ஓடாத காரணத்தினால் நஷ்டத்தை சந்தித்து இருக்கின்றது. படத்திற்கு வந்த தொடர் நெகட்டிவ் விமர்சனங்களை பார்த்த சூர்யாவின் மனைவியான ஜோதிகா கங்குவா படத்திற்கு எதிராக நெகட்டிவ் விமர்சனங்களை பரப்பியவர்களை கண்டித்து பதிவும் போட்டிருந்தார்.

கங்குவா படத்திற்கு நெகட்டிவ் விமர்சனங்களை பார்த்த பலரும் திரையரங்குக்கு வெளியில் நெகட்டிவ் விமர்சனங்களை கொடுக்கும் நபர்களை ஊக்குவிக்கும் youtube சேனல்களின் பப்ளிக் விமர்சனத்திற்கு தடை போடும் அளவுக்கு கங்குவா விமர்சனம் மிக பெரிய அதிர்வலையை ஏற்படுத்தியிருந்தது.

இந்த பிரச்சனைகளுக்கு நடுவில் நடிகர் சூர்யா கடந்த சில தினங்களுக்கு முன்பு இயக்குனர் சிறுத்தை சிவா உடன் சென்னை சோளிங்கரில் உள்ள யோக நரசிம்மர் கோயிலுக்கு சென்று சாமி தரிசனம் செய்திருந்தார். இதை தொடர்ந்து கர்நாடக மாநிலம் கொல்லூர் பகுதியில் இருக்கும் மூகாம்பிகை கோயிலுக்கு மனைவி ஜோதிகாவுடன் நடிகர் சூர்யா சென்று இருக்கின்றார். கங்குவா படம் மிகப்பெரிய நஷ்டத்தை கொடுத்த நிலையில் சில கோவில்களுக்கு சென்று பரிகார பூஜைகளை சூர்யா செய்து வருவதாக தகவல் வெளியாகி இருக்கின்றது.

இதையும் படிங்க: Game Changer: இந்தியாவிலேயே இதுதான் ஃபர்ஸ்ட் படம்.. ‘கேம் சேஞ்சர்’ பற்றி ஷங்கர் சொன்ன புது தகவல்

அந்த வகையில் மூகாம்பிகை கோவிலுக்கு சென்று அங்கு சண்டி யாகம் செய்திருக்கிறாராம். வாழ்க்கையில் தொடர்ந்து வரும் தடைகளை தகர்ப்பதற்கு சண்டியாகத்தை மக்கள் செய்வது வழக்கம். இதனை சூர்யாவும் ஜோதிகாவும் சேர்ந்து செய்திருப்பதாக தகவல் வெளியாகி இருக்கின்றது. நடிகர் சூர்யா தற்போது கார்த்திக் சுப்புராஜ் இயக்கத்தில்  சூர்யா 44 என்ற திரைப்படத்தில் நடித்து வருகின்றார். இதை தொடர்ந்து ஆர் ஜே பாலாஜி இயக்கத்தில் சூர்யா 45 படத்திலும் நடிக்க இருக்கின்றார் என்பது குறிப்பிடத்தக்கது.