தலைவர்171 திரைப்படத்தை தயாரிக்க இருந்தது இந்த நடிகரா? அட மிஸ் பண்ணிட்டாரே!…

Thalaivar171: ரஜினிகாந்த் நடிக்கும் தலைவர்171 திரைப்படத்தின் போஸ்டர் வெளியாகி இருக்கும் நிலையில் அது குறித்த சில ஆச்சரிய தகவலும் கசிந்து இருக்கிறது. போஸ்டரில் இருக்கும் அக்கு வேறு ஆணி வேறாக பிரித்து வைப்பவர்கள் ஒரு பக்கம். தயாரிப்பு நிறுவனம் குறித்த தகவல் ஒரு பக்கம் என கசிந்து இருக்கிறது.

ஜெயிலர் படத்தின் வெற்றியை தொடர்ந்து ரஜினிகாந்த் பிஸியாக தொடர்ந்து நடித்து வருகிறார். டிஜே ஞானவேல் இயக்கத்தில் அவர் நடித்து வரும் வேட்டையன் திரைப்படம் இறுதிக்கட்டத்தினை நெருங்கி இருக்கிறது. அதன் ஷூட்டிங்கும் இந்த மாத இறுதியில் முடிந்துவிடும் எனக் கூறப்படுகிறது. இதை தொடர்ந்து, ரஜினிகாந்த் நடிப்பில் தலைவர்171 திரைப்படம் உருவாக இருக்கிறது.

இதையும் படிங்க: விஜயகாந்துக்காக திருமணமே செய்யாமல் வாழ்ந்த ராவுத்தர்!… சிகிச்சையே வேண்டாமென கோமோவிற்கு சென்ற சோகம்!

இப்படத்தின் இயக்குனர் லோகேஷ் கனகராஜ் இயக்க இருக்கிறார். சன் பிக்சர்ஸ் நிறுவனம் தயாரிக்க இருக்கிறது. நேற்று இதன் பர்ஸ்ட் லுக் போஸ்டர் ரிலீஸ் ஆனது. கையில் வாட்சை விலங்காக கட்டிக்கொண்டு ரஜினி இருப்பது போலவும் பின்னாடி டைம் மெஷின் இருப்பது போலவும் அமைத்து இருந்தனர்.

இந்த போஸ்டரை வைத்துப் பார்க்கும்போது தலைவர் 171 டைம்  டிராவல் திரைப்படமாக அமையலாம் என கூறப்படுகிறது. முக்கியமாக இப்படத்தில் ரஜினிக்கு நெகட்டிவ் கதாபாத்திரம் இருக்கலாம் எனவும் கிசுகிசுக்கின்றனர். கோலிவுட்டில் வில்லனாக வேண்டும் என்பது தான் ரஜினியின் ஆசை. அதற்காகவே இந்த படத்தை அவர் ஒப்புக்கொண்டு இருக்கலாம் எனவும் கோலிவுட் வட்டாரத்தில் பேச்சுக்கள் தொடங்கி இருக்கிறது.

இதையும் படிங்க: கோலிவுட்டில் நம்பர் ஓன்…சம்பளமே இத்தனை கோடி… யார் அந்த நடிகை…காலியான லேடி சூப்பர்ஸ்டார்…

 இது மட்டுமில்லாமல் முதலில் லோகேஷ் கனகராஜ் இயக்கத்தில் ரஜினிகாந்த் நடிக்கும் படத்தை கமல்ஹாசனின் ராஜ் கமல் இன்டர்நேஷனல் ஃபிலிம்ஸ் நிறுவனமே தயாரிக்க இருந்தது. பின்னால் அந்த படம் கைவிடப்பட்ட நிலையில் அந்தக் கதை சன் பிக்சர்ஸ் நிறுவனத்திற்கு மாறியிருக்கலாம் எனவும் ஒரு தகவல் வெளியாகி இருக்கிறது.