Kanguva: கங்குவாவில் சூர்யா அணிந்திருந்த டிரஸின் வெயிட் எவ்வளவு தெரியுமா? எப்படி தாங்குனாரு?

Kanguva:  சூர்யா நடிப்பில் வரும் 14 ஆம் தேதி ரிலீஸாக உள்ள திரைப்படம் கங்குவா. படத்தை சிறுத்தை சிவா இயக்க தேவி ஸ்ரீ பிரசாத் இசையமைத்திருக்கிறார். ஞானவேல்ராஜா படத்தை தயாரித்திருக்கிறார். பல கோடி பட்ஜெட்டில் இந்தப் படம் உருவாகியிருக்கிறது. 2000 கோடி வரை படம் வசூலாகும் என ஞானவேல்ராஜா மிகுந்த நம்பிக்கையில் வேற இருக்கிறார். இந்த ஓவர் பில்டப் வேணாம் தம்பி என நெட்டிசன்கள் அவரை கிண்டலடித்து வருகின்றனர்.

ரிலீஸில் சிக்கல்: படம் ரிலீஸாக இன்னும் இரண்டே நாள்கள் உள்ளதால் திரையரங்க உரிமையாளர்கள் பல்வேறு கோரிக்கைகளை வைத்து வருகின்றனர். அதாவது வழக்கமாக படம் ரிலீஸாகி மூன்றாவது வாரத்தில்தான் வினியோகஸ்தர்களுக்கு லாபம் கிடைக்கும். ஆனால் தயாரிப்பு தரப்பில் இருந்து 75: 25 என்ற விகிதத்தில் ஷேரிங் என்று பேசி வருகிறார்கள். இது திரையரங்கு உரிமையாளர்கள் முற்றிலும் எதிர்த்து வருகின்றனர்.

இதையும் படிங்க: Amaran: 12 நாளில் செம தரமான சம்பவம்?!… அடுத்த டார்கெட் இதுதான்… டாப் ஹீரோக்களுக்கு டப் கொடுத்த எஸ்கே!…

மற்றுமொரு சிக்கல்: அதுமட்டுமில்லாமல் ஸ்டூடியோ கிரீன் சார்பாக அர்ஜூன் லால் என்பவரிடம் சில கோடிகளை கடனாக பெற்றிருக்கிறார் ஞானவேல்ராஜா.அர்ஜுன் லால் வட்டிக்கு கடன் கொடுப்பவர். நிதி இழப்பு காரணமாக அர்ஜூன் லால் திவாலானவராக கருதப்பட்டார். ஒரு கட்டத்தில் அவர் இறந்து போக அவருக்கு சார்பாக சொத்தாட்சியர் என்ற அடிப்படையில் ஸ்டூடியோ கிரீன் நிறுவனத்திடம் அந்த பணத்தை வசூலிக்க ஏற்பாடு நடந்து வருகிறது.

சொத்தாட்சியருக்கு 20 கோடி கொடுத்தால் மட்டுமே படத்தை ரிலீஸ் செய்ய முடியும் என்று உச்ச நீதிமன்றம் கூறியுள்ளது. இப்படி பல பிரச்சினைகளில் மாட்டியிருக்கும் கங்குவா படம் ரிலீஸாகுமா ஆகாதா என்ற ஒரு கேள்வியும் எழுந்துள்ளது.

சூர்யா பட்ட கஷ்டம்: இந்த நிலையில் ஸ்டண்ட் மாஸ்டர் சுப்ரீம் சுந்தர் கங்குவா படத்தில் சூர்யா அணிந்திருந்த ஆடையை பற்று கூறியிருக்கிறார். அந்த காலத்தில் பெரிய பெரிய வாரியர்கள் எல்லாம் எப்படி இருப்பார்கள் என சூர்யாவை பார்க்கும் போதுதான் தெரிந்து கொண்டேன் என சுப்ரீம் சுந்தர் கூறியிருக்கிறார்.

kanguva

தனியாக 25 கிலோ: அவர்கள் எல்லாரும் தாங்கள் பயன்படுத்தும் வாள்,கத்தி போன்றவை சுமார் 10 கிலோ அல்லது 20 கிலோ மதிக்கத்தக்க வகையில்தான் வைத்திருந்தார்கள். அப்படித்தான் சூர்யாவும் பயன்படுத்தினார். அதுமட்டுமில்லாமல் அவர் அணியும் ஆடையே சுமார் 10 கிலோ மதிப்பு பெறும். ஒரு சீனில் தண்ணீருக்குள் முதலையுடன் ஃபைட் போடும் காட்சியில் அந்த ஆடை எல்லாம் நனைந்து விடும்.

இதையும் படிங்க: Nepoleon: அவரு பேருவச்ச ராசி!… உலகம் முழுவதும் ஃபேமஸ் ஆகிட்டேன்?!… குருநாதரை புகழ்ந்த நெப்போலியன்…!

அது முழுக்க லெதரால் ஆன ஆடை. தண்ணீரில் நனைந்ததும் இன்னும் வெயிட் அதிகமாகிவிடும். சுமார் 20 கிலோ வரை அதிகரித்துவிடும். ஒருவாரம் அப்படியே நடித்தார் சூர்யா. அந்த வெயிட்டோடு உடற்பயிற்சியும் செய்வாராம். அவருக்கென தனியாக 25 கிலோ எடுத்துவைக்கவேண்டும் என சுப்ரீம் சுந்தர் கூறினார்.