என்னய்யா கடைசியில் இப்படி பண்ணிட்டீங்க... ஏமாந்த விஜய் ரசிகர்கள்... தளபதி 69 படத்தின் அப்டேட்..?

நடிகர் விஜய்யின் கடைசி படமான தளபதி 69 படத்தின் அதிகாரப்பூர்வ அறிவிப்பு நாளை வெளியாகும் என பட தயாரிப்பு நிறுவனம் தெரிவித்திருக்கிறது.

தமிழ் சினிமாவில் பாக்ஸ் ஆபிஸ் கிங் என்று அனைவராலும் அழைக்கப்பட்டு வருபவர் நடிகர் விஜய். இவரது நடிப்பில் வெளியான திரைப்படம் கோட் திரைப்படம் நல்ல வரவேற்பை பெற்றிருந்தது. இந்த திரைப்படம் கடந்த 5-ம் தேதி ரிலீஸ்-ஆன நிலையில் திரையரங்குகளில் வெற்றிகரமாக ஓடிக் கொண்டிருக்கின்றது. கோட் திரைப்படம் வெறும் 4 நாட்களில் 288 கோடிகளை அள்ளியது.

இந்த வாரமும் புதிதாக எந்த தமிழ் திரைப்படங்களும் ரிலீஸ் ஆகாத காரணத்தால் தொடர்ந்து திரையரங்குகளில் நல்ல வசூலை அள்ளும் என்று எதிர்பார்க்கப்படுகின்றது. கோட் திரைப்படத்தில் நடிகர் விஜய் கதாநாயகனாகவும், வில்லனாகவும் நடித்து அசத்தி இருக்கின்றார். இந்த திரைப்படத்தில் இவருக்கு சம்பளம் மட்டும் 200 கோடி ரூபாய் கொடுக்கப்பட்டது என்று தயாரிப்பாளரை ஒப்புக்கொண்டார்.

இந்நிலையில் இவரின் அடுத்த திரைப்படமான தளபதி 69 திரைப்படத்தை இயக்குனர் ஹச் வினோத் இயக்க இருக்கின்றார் என்பது உறுதியாகிவிட்டது. அது மட்டும் இல்லாமல் கே வி என் ப்ரொடக்சன் நிறுவனம்தான் இந்த திரைப்படத்தை தயாரிக்கப் போவதாக அதிகாரப்பூர்வமாகவும் அறிவிக்கப்பட்டுள்ளது. கேவிஎன் புரொடக்ஷன் தமிழ் திரையுலகில் இந்த திரைப்படத்தின் மூலமாக முதல் முறையாக கால் பதிக்கிறது.

அதனால் முதல் படம் பெரிய ஹீரோவின் திரைப்படமாக தான் இருக்க வேண்டும் என்ற எண்ணத்தில் தளபதி விஜயின் படத்தை தயாரிக்கிறார்கள். மேலும் இப்படத்தில் நடிகர் விஜய்க்கு 275 கோடி சம்பளம் வழங்க உள்ளதாக கூறப்படுகின்றது. இது மட்டும் இல்லாமல் ஜிஎஸ்டியையும் தயாரிப்பு நிறுவனமே செலுத்த ஒப்புக்கொண்டதாக கூறப்படுகின்றது.

விஜயின் சம்பளத்திற்காக மட்டும் 300 கோடி ரூபாய் செலவு செய்ய உள்ளதாகவும், படத்தின் பட்ஜெட் சுமார் 500 கோடி வரை இருக்கும் என தகவல்கள் வெளியாகி வருகின்றன. இந்நிலையில் இப்படத்தின் அறிவிப்பு இன்று மாலை 5 மணிக்கு வெளியாகும் என்று பட நிறுவனம் சார்பாக தெரிவிக்கப்பட்டது. ஆனால் படத்தின் அப்டேட் நாளை மாலை 5 மணிக்கு வெளியாகும் என்று படக்குழுவினர் தற்போது தெரிவித்து இருக்கிறார்கள். மேலும் நடிகர் விஜயின் உணர்ச்சி பூர்வமான வீடியோ ஒன்றையும் அவர்கள் பகிர்ந்து இருக்கிறார்கள்.