Biggboss Tamil 8: வைல்டு கார்டு போட்டியாளர்களோட ‘சம்பளம்’ இதுதான்!

Biggboss Tamil: பிக்பாஸ் வீட்டில் ஒருவழியாக பள்ளி பருவம் டாஸ்க் முடிவுக்கு வந்துள்ளது. இந்த டாஸ்க்கால் நிகழ்ச்சியை பார்க்கும் பார்வையாளர்களின் எண்ணிக்கை மேலும் குறைந்தது தான் மிச்சம். தற்போது நாமினேஷன் லிஸ்டில் ஆண்கள், பெண்கள் அனைவரையும் சேர்த்து 13 போட்டியாளர்கள் இருக்கின்றனர்.

இதில் இந்த வாரம் வீட்டில் இருந்து கிளம்ப போவது யாரென்று ஒரே சஸ்பென்ஸாக இருக்கிறது. ரியா அல்லது ரஞ்சித் இருவரில் ஒருவர் வெளியேறலாம் என்பது ரசிகர்களின் கணிப்பு. இந்தநிலையில் வீட்டுக்குள் சென்ற 6 வைல்டு கார்டு போட்டியாளர்களின் சம்பளம் குறித்த தகவல்கள் வெளியாகி உள்ளன.

இதையும் படிங்க: Kanguva: கங்குவா ஒண்ணுக்கே இன்னும் விடை தெரியல… கங்குவா 2க்குத் தயாரான இயக்குனர்

ராயனின் சம்பளம் நாளொன்றுக்கு ரூபாய் 15 ஆயிரம். சிவகுமார், ரானவ், வர்ஷினி ஆகிய மூவருக்கும் நாளொன்றுக்கு ரூபாய் 12 ஆயிரமாக உள்ளது. மஞ்சரி, ரியா இருவருக்கும் நாளொன்றுக்கு ரூபாய் 10 ஆயிரம் சம்பளமாக அளிக்கப்படுகிறது.

அனைவரும் பெரிதாக பிரபலம் இல்லை என்பதால் இந்த சம்பளத்தை அளிக்கின்றனர். ஆனால் முதலில் வீட்டுக்குள் சென்ற போட்டியாளர்களின் ஆரம்ப சம்பளமே 15 ஆயிரம் ரூபாய்க்கும் அதிகம் என்பது குறிப்பிடத்தக்கது.

ஒருவேளை நீங்கள் பெரிதாக கண்டெண்ட் அளிக்கவில்லை. அதனால் இந்த சம்பளமே போதும் என்ற முடிவிற்கு பிக்பாஸ் வந்து விட்டாரா? என்பது தெரியவில்லை. எது எப்படியோ இதுவரையிலான பிக்பாஸ் சீசனில் பெரிய பரபரப்போ சண்டை, சச்சரவுகளோ இல்லாத ஒரே சீசன் இதுவாகத்தான் இருக்கும். ஜவ்வு மிட்டாய் தெரியுமா ஜவ்வு மிட்டாய்!