இது வெறும் டிரெய்லர் தாம்மா…. மெயின் பிக்சரைப் பார்த்துடாதீங்க… நொந்துடுவீங்க..

இந்த டயலாக்கை எங்கேயோ கேட்ட மாதிரி இருக்குல்ல. சூப்பர்ஸ்டாரின் டயலாக் தான். தமிழ்சினிமா உலகின் உச்சநட்சத்திரமான சூப்பர்ஸ்டார் சிவாஜி தி பாஸ் படத்தில் பேசியது தான் இந்த டயலாக். ஆனா இது ஒரு சில படங்கள்ல நிஜமாகி விட்டது. அதெப்படி என்று கேட்பவர்களுக்கு இந்தப் படங்களைப் பார்த்தால் தெரியும். படத்தின் டிரெய்லர் நல்லாருக்கும். படம் நல்லாருக்காது. பார்க்கலாமா…

இதையும் படிங்க… சொந்த செலவிலேயே சூனியம் வைக்குமா ரெட் ஜெயண்ட்? ‘இந்தியன் 2’ படத்தில் தடாலடியாக ஏற்பட்ட மாற்றம்

கபாலி

2016ல் பா.ரஞ்சித் இயக்கிய படம். நெருப்புடா என்று அட்டகாசமாக நடந்து வரும் ரஜினியை டிரெய்லரில் பார்த்த அந்த அட்டகாசம் படத்தைப் பார்க்கும் போது இல்லை. படத்தின் டிரெய்லர் போல படம் முழுவதும் ரஜினி படு ஸ்டைலாக வருவார் என்று எதிர்பார்த்தால் அப்படி ஒன்றும் பெரிதாக இல்லை.

மாற்றான்

2012ல் வெளியான டிரெய்லரில் இரட்டைக்கதிரே என பாடல் பரவசப்படுத்தியது. ஒட்டிப்பிறந்த இரட்டையர்களான சூர்யாவின் மாஸ் காட்சிகள் பரபரப்பை உண்டாக்கின. படத்தைப் பார்த்தால் ஏகப்பட்ட அத்துமீறல்கள் லாஜிக்கில் வந்தன. ஆனால் சூர்யாவின் உழைப்பு அபாரமானது. அது படத்தில் தான் எடுபடவில்லை.

சுறா

2016ல் வெளியான விஜயின் 50வது படம். இது பெரும் எதிர்பார்ப்பாக இருந்தது. டிரெய்லரில் பெரிய அளவில் எதிர்பார்ப்பு இருந்தது. ஆனால் படத்தைப் பார்த்தால் படுதோல்வியாகி விட்டது.

விவேகம்

2018ல் தல அஜீத்துக்கு பெரும் எதிர்பார்ப்புடன் வெளியானது. பன்ச் டயலாக்ககள், மிலிட்டரி உடை, அனல் பறக்கும் சண்டைகள் டிரைலரில் அசத்தின. ஆனால் திரையில் பார்த்தால் இவ்வளவு தானா என எண்ணத் தோன்றி யது.

நாச்சியார்

இதையும் படிங்க… விடாமுயற்சி டீமை வச்சி செய்யும் அஜர்பைஜன்!… இதெல்லாம் சரிப்பட்டு வராது.. ரூட்டை திருப்பிய மகிழ் திருமேனி…

2018ல் பாலாவின் இயக்கத்தில் வெளியான படம். ஜோதிகா காவல்துறை அதிகாரியாக மிடுக்கான உடையில் வந்து அசர வைப்பார். அது எல்லாம் டிரைலரில். அது ரசிகர்கள் மத்தியில் பெரும் பரபரப்பை உண்டாக்கியது. இந்த எதிர்பார்ப்பு திரையில் பார்த்த போது காணாமல் போனது. பாலா படமா இப்படி என்று பேச வைத்து விட்டது.