இந்த வாரம் பல்வேறு ஓடிடி தளங்களில் வெளியாக உள்ள புதிய திரைப்படங்கள் மற்றும் இணையத் தொடர்கள் குறித்த விரிவான தகவல்களை இங்கே காணலாம்.
தலைவர் தம்பி தலைமையில்:
நடிகர் ஜீவா நடித்த இந்தப் படம் பொங்கல் வெளியீடாக வந்தது. பராசக்தி, வா வாத்தியார் படங்களுடன் வெளியாகி யாருமே எதிர்பர்க்காத வெற்றியை பெற்றது . ஜீவாவுக்கு இப்படம் மிகப்பெரிய கம்பேக்கை கொடுத்திருக்கிறது. இன்று 12 முதல் நெட்ஃபிக்ஸ் தளத்தில் வெளியாகிறது.
மன சங்கர வர பிரசாத் காரு (தெலுங்கு/தமிழ்):
சிரஞ்சீவி, நயன்தாரா நடிப்பில் வெளியான இந்தப் படம் ஜீ5 (ZEE5) தளத்தில் ஸ்ட்ரீமிங் நேற்று வெளியானது. நீண்ட நாட்களுக்கு பின் சிரஞ்சீவிக்கு மிகப்பெரிய வெற்றியை கொடுத்துள்ள்து இப்படம்.
அனகனக ஒக்க ராஜூ (தெலுங்கு/தமிழ்): நவீன் பாலிஷெட்டி நடித்த இந்தப் படம் நேற்று நெட்ஃபிக்ஸ் தளத்தில் வெளியானது.
பேபி கேர்ள் (மலையாளம்): நிவின் பாலி நடித்துள்ள இந்தத் த்ரில்லர் திரைப்படம் பிப்ரவரி 12 அதாவது இன்று சோனி லிவ் (SonyLIV) தளத்தில் வெளியானது.
தி கான்ஜுரிங்: லாஸ்ட் ரைட்ஸ் (ஆங்கிலம்/தமிழ்): ஹாரர் ரசிகர்களுக்காக இந்தப் படம் பிப்ரவரி 13 முதல் ஜியோ ஹாட்ஸ்டார் தளத்தில் வெளியாக உள்ளது.
திரைப்படங்கள் தவிர்த்து, ‘கோஹ்ரா’ (Kohrra) சீசன் 2 நெட்ஃபிக்ஸ் தளத்திலும், ‘க்ராஸ்’ (Cross) சீசன் 2 அமேசான் பிரைம் வீடியோவிலும் வெளியாகியுள்ளன. இவை தமிழ் டப்பிங் பதிப்புகளுடனும் கிடைக்கின்றன என்பது குறிப்பிடத்தக்கது.