33 ஆண்டுகள் நிறைவு செய்த ஜென்டில்மேன்

இயக்குனர் ஷங்கர் இயக்கிய முதல் படம் ஜென்டில்மேன். தொடர் தோல்விகளால் இறங்கு முகத்திலிருந்த  அர்ஜூனுக்கு இப்படம் மிகப்பெரிய வெற்றியை கொடுத்தது. கே.டி.குஞ்சுமோன் மிகபிரமாண்டமாக இப்படத்தினை தயாரித்திருந்தார்.

ஜென்டில்மேன் படத்தில் அர்ஜூனுடன் மதுபாலா, சுபஸ்ரீ, கவுண்டமணி, செந்தில், சரண்ராஜ் உள்ளிட்ட பலர் நடித்திருந்தனர். இப்படத்தில் கவுண்டமணி செந்தில் காமெடி மிகவும் பிரபலம். அண்ணே நீங்கள் பத்தாங்கிளாஸ் பெயிலுனே, நான் 8ம் கிளாஸ் பாசுண்ணே என்ற வசனங்கல் இப்படத்தில் பலராலும் ரசிக்கப்பட்டது.

இட ஒதுக்கீட்டை மையமாக கொண்டு எடுக்கப்பட்ட இப்படத்தின் வசனத்தை பாலகுமாரன் எழுதியிருந்தார். மறைந்த ஜீவா ஒளிப்பதிவு செய்திருந்தார்.

இப்படத்தின் வெற்றிக்கு மிகப்பெரிய பங்கு ஏ.ஆர்.ரகுமான் இசைக்கு உண்டு. படத்தின் அனைத்து பாடல்களும் பட்டி தொட்டி எங்கும் பட்டையை கிளப்பின. ஒட்டகத்த கட்டிக்கோ,  உசிலம்பட்டி பெண்குட்டி, பார்க்காதே பார்க்காதே, என்வீட்டு தோட்டதில் போன்ற பாடல்கள் மெகா ஹிட் ரகங்கள். அதிலும் குறிப்பாக பிரபுதேவா, கௌதமி தோன்றிய சிக்கு புக்கு சிக்கு புக்கு ரயிலே பாடம் அன்றைய இளைஞர்களை ஆட்டம் போட வைத்தது.  முதலில் சரத்குமார் நடிப்பதாக இருந்து பின் அதில் அர்ஜூன் நடித்து வெளிவந்தது.

கடந்த 1993ம் ஆண்டு ஜூலை 30ம் தேதி வெளியான இப்படம் இன்றோடு 33 ஆண்டுகளை நிறைவு செய்துள்ளது.