Toxic movie: மார்ச் 2-ல் யாஷ் – கியாராவின் தபாஹி சிங்கிள் ரிலீஸ் அப்டேட்

‘ராக்கிங் ஸ்டார்’ யாஷ் நடிப்பில் ரசிகர்கள் மிகுந்த எதிர்பார்ப்புடன் காத்திருக்கும் படம் ‘டாக்ஸிக்: எ ஃபேரி டேல் ஃபார் கிரோன் அப்ஸ்’. கீது மோகன் தாஸ் இயக்கத்தில் பிரம்மாண்டமாக உருவாகி வரும் இந்தப் படத்தின் முதல் பாடலான தபாஹி, வரும் மார்ச் 2-ஆம் தேதி வெளியாகிறது.

சமீபத்தில் வெளியான ‘தபாஹி’ பாடலின் போஸ்டர் சமூக வலைதளங்களில் வைரலாகி வருகிறது. கடற்கரையின் பின்னணியில், வீசும் காற்றிற்கு மத்தியில் யாஷ் மற்றும் கியாரா அத்வானி நெருக்கமாக இருக்கும் காட்சி, ரசிகர்களின் கவனத்தை ஈர்த்துள்ளது. வெண்ணிற உடையில் கியாரா அத்வானியின் வசீகரமும், யாஷின் கம்பீரமான தோற்றமும் இந்த ஜோடியின் கெமிஸ்ட்ரியை மிக அழகாக வெளிப்படுத்துகின்றன. அந்தப் பின்னணியில் தெரியும் ஆர்ப்பரிக்கும் கடல், படத்தின் உணர்ச்சிகரமான ஆழத்தை பிரதிபலிப்பதாக அமைந்துள்ளது.

இசை அமைப்பாளர் விஷால் மிஸ்ராவின் இசையில் உருவாகியுள்ள ‘தபாஹி’ பாடல், இப்படத்தின் மிக முக்கியமான ஒரு பாடலாக இருக்கும் என்று எதிர்பார்க்கப்படுகிறது. மார்ச் 2-ஆம் தேதி பாடல் வெளியாவதை அடுத்து, ரசிகர்கள் இப்போதே சமூக வலைதளங்களில் கொண்டாட்டத்தைத் தொடங்கிவிட்டனர்.

யாஷ், கியாரா அத்வானியுடன் நயன்தாரா, ஹூமா குரேஷி, ருக்மணி வசந்த் மற்றும் தாரா சுதாரியா என நட்சத்திரப் பட்டாளமே இந்தப் படத்தில் இணைந்துள்ளது. யாஷே கதையை எழுதியுள்ள இந்தப் படம், கன்னடம் மற்றும் ஆங்கிலத்தில் நேரடியாகப் படமாக்கப்பட்டுள்ளது. மேலும், தமிழ், தெலுங்கு, மலையாளம் மற்றும் இந்தி மொழிகளிலும் டப்பிங் செய்யப்பட்டு இந்தியா முழுவதும் வெளியாகிறது.

விஜய் நடித்த ஜன நாயகன் படத்தை தயாரித்த கே.வி.என் புரொடக்ஷன்ஸ் மற்றும் மான்ஸ்டர் மைண்ட் கிரியேஷன்ஸ் இணைந்து தயாரித்துள்ள இப்படம், வரும் மார்ச் 19-ஆம் தேதி உலகமெங்கும் திரையரங்குகளில் வெளியாக உள்ளது.