தமிழ் சினிமாவில் முக்கிய இயக்குனராக பார்க்கப்படுபவர் வெற்றிமாறன். தற்போது சிம்புவை வைத்து அரசன் திரைப்படத்தை இயக்கி வருகிறார். இந்த படம் வடசென்னையை மையப்படுத்தி உருவாகி வருகிறது. ஏற்கனவே தனுஷை வைத்து வெற்றிமாறன் இயக்கிய வடசென்னை படத்தில் நீட்சியாக இந்த படம் பார்க்கப்படுகிறது. இந்த படத்தில் சிம்பு மூன்று கெட்டப்பில் நடிக்கிறார்.. அதில் ஒன்று வயதான கெட்டப் என சொல்லப்படுகிறது கலைப்புலி தாணு இந்த படத்தை தயாரித்து வருகிறார்.. விஜய் சேதுபதி ஒரு முக்கிய வேடத்தில் நடிக்கவுள்ளார்..
இந்த படத்திற்கு அனிருத் இசையமைத்து வருகிறார். வெற்றிமாறனை பொறுத்தவரை அவரின் முதல் படத்திலிருந்தே அவரின் படங்களுக்கு ஜிவி பிரகாஷ்தான் இசையமைத்து வந்தார். விடுதலை, விடுதலை 2 இரண்டு படங்களுக்கு மட்டுமே இளையராஜா இசையமைத்தார். எனவே ஜிவி பிரகாஷையே இசையமைக்க வைக்கலாம் என வெற்றிமாறன் விரும்பியிருக்கிறார்.. ஆனால் கலைப்புலி தாணுவும், சிம்புவும் அனிருத் இசையமைக்க வேண்டும் என்பதில் உறுதியாக இருந்ததால் வேறு வழியில்லாமல் ஒப்புக்கொண்டாராம்..
ஆனால் இந்த படத்தின் புரமோ வீடியோவுக்கு அவர் கொடுத்த பின்னணி இசை வெற்றிமாறனுக்கு மிகவும் பிடித்துபோய்விட்டதாம். இவரையா வேண்டாம் என நினைத்தோம் என வெற்றிமாறன் நினைத்தாராம்.
