Vijay sethupathi: விஜய் சேதுபதியின் வாழ்க்கையை மாற்றிய திரைப்படம்… பிரபல இயக்குனரின் ’ரியல் லைஃப்’ சம்பவமாம்…

Vijay sethupathi: விஜய் சேதுபதியை தமிழ் சினிமாவில் மிகப்பெரிய ஹீரோவாக மாற்றியதில் முக்கிய பங்கு கொண்ட ஒரு திரைப்படம் பிரபல இயக்குனர் ஒருவரின் வாழ்க்கையில் நடந்த ரியல் சம்பவம் என்பது பலருக்கு தெரிந்திருக்க வாய்ப்பில்லை.

விஜய் சேதுபதி: துபாயில் இருந்து திரும்பிய விஜய் சேதுபதி சென்னையில் அமைந்திருக்கும் கூத்துப்பட்டறையில் பணியில் சேர்ந்தார். அங்கிருந்தே மற்றவர்களை பார்த்து நடிப்பை கற்றுக்கொண்டார். பின்னர் அவருக்கு சின்ன சின்ன வேடங்கள் கிடைக்க தொடங்கியது.

இதையும் படிங்க: K.Balachander: நடிகரின் நம்பிக்கையைப் பொய்யாக்கிய பாலசந்தர்… யார்…? என்ன படம்னு தெரியுமா?

கார்த்திக் சுப்புராஜ் இயக்கத்தில் கலைஞர் டிவியில் ஒளிபரப்பான நாளைய  இயக்குனர் நிகழ்ச்சியில் நிறைய குறும்படங்களில் நடித்திருக்கிறார். அது விஜய் சேதுபதியின் வளர்ச்சிக்கு முக்கிய பங்காக அமைந்தது. இதைத்தொடர்ந்து தமிழ் சினிமாவில்  புதுப்பேட்டை, லீ,  வெண்ணிலா கபடி குழு உள்ளிட்ட திரைப்படங்களில் சின்ன வேடங்களில் நடித்திருக்கிறார்.

நடுவுல கொஞ்சம் பக்கத்த காணோம்: சுந்தர பாண்டியன் படத்தில் வில்லனாக நடித்த விஜய் சேதுபதி ஹீரோவாக தன்னுடைய வாழ்க்கையை பிட்சா மற்றும் நடுவுல கொஞ்சம் பக்கத்த காணோம் திரைப்படத்தின் மூலம் தொடங்கினார். ஒரே நேரத்தில் இரண்டு படமும் தொடங்கி நடந்து வந்தது.

கார்த்திக் சுப்புராஜின் அறிமுக திரைப்படமான பீட்சா மிகப்பெரிய அளவில் வெற்றி படமாக அமைந்தது. அதே வேளையில் நடுவுல கொஞ்சம் பக்கத்த காணோம் திரைப்படம் வித்தியாசமான காமெடி என்டர்டைனர் திரைப்படமாக ரசிகர்களிடம் மிகப்பெரிய வரவேற்பையும் பெற்றது. இப்படத்தில் விஜய் சேதுபதி கிரிக்கெட் பந்தால் தலையில் அடிபட்டு மறதி ஏற்பட்டவர் ஆக நடித்திருப்பார்.

இதையும் படிங்க: Sarathkumar: ஷூட்டிங்கில் கெட்டுப் போன சாப்பாட்டை கொடுத்த படக்குழு!… நாட்டாமை செய்த தரமான சம்பவம்!..

இயக்குனர் ப்ரேம்குமார்: படத்தின் கிளைமாக்ஸ் முடிந்த பின்னர் படத்தின் இயக்குனர் பாலாஜி தரணிதரன் இது எங்களுடைய நண்பர்கள் குழுவில் பிரேம் என்பவருக்கு நடந்ததாக புகைப்படங்களுடன் உண்மை சம்பவம் குறித்து பேசி இருப்பார்.  அப்போது அந்த காட்சி பலருக்கு சாதாரணமாக கடந்து விட்டது.

Nadula konjam pakkatha kanom

தற்போது அந்த காட்சியை பார்க்கும் போது உண்மை சம்பவத்தில் பாதிக்கப்பட்ட அந்த பிரேம் குமார் பிரபல இயக்குனர் என்பது ஆச்சரியமான தகவலாக மாறியிருக்கிறது. 96 மற்றும் மெய்யழகன் திரைப்படத்தை இயக்கிய பிரேம் குமார் தான் நடுவுல கொஞ்சம் பக்கத்த காணோம் படத்தின் ரியல் லைஃப் நாயகன் என்பது ஆச்சரியமான விஷயம் தானே.