பார்வதி பற்றி பேச ஏதுமில்லை; சிம்பு, சூர்யா போன்ற நடிகர்கள் இருக்கும்போது… ” – ‘முத்து என்கிற காட்டான்’ விழாவில் விஜய் சேதுபதி கலகலப்பு!

விஜய் தொலைக்காட்சியில் வருகிற 27ம் தேதி ஸ்டீமிங் ஆகும் வெப் சீரிஸ் முத்து என்கிற காட்டான். விஜய் சேதுபதி முக்கிஅய் வேடத்தில் நடிக்கும் இந்த தொடரில் வி.ஜே.பார்வதி, மலையாள நடிகர் இர்ஷாத் அலி, மினிண்ட் சோமன், சிங்கம் புலி,முத்துகுமார் உள்ளிட்ட பலர் நடித்துள்ளனர்.

இந்த தொடரை கடைசி விவசாயி பட இயக்குனர் மணிகண்டன் இயக்குவதால் தொடர் மீது எதிர்பார்ப்பு அதிகரித்துள்ளது. கடந்த சில தினங்களுக்கு முன் வெளியான இத்தொடரின் டிரைலர் படத்தின் மீதான நம்பிக்கையை அதிகரித்தது.

இன்று இந்த வெப்சீரிஸ் தொடர்பான விழா நடைபெற்றது. விழவில் கலந்துகொண்ட விஜய்சேதுபதி பேசும்போது,

தமிழ் சினிமாவில் சிம்பு, சூர்யா என பல அனுபவம் வாய்ந்த முன்னணி நடிகர்கள் இருக்கும்போது, என்னை நம்பி பிக்பாஸ் நிகழ்ச்சியைத் தொகுத்து வழங்கும் மாபெரும் பொறுப்பை வழங்கிய ஜியோ ஹாட்ஸ்டார் பிரதீப் அவர்களுக்கு எனது மனமார்ந்த நன்றிகளைத் தெரிவித்துக் கொள்கிறேன் என்றார்.

மேலும் அவர் பேசுகையில், வி.ஜே. பார்வதி பற்றிப் பேச இப்போது என்னிடம் ஏதுமில்லை. ஏனென்றால், பிக்பாஸ் நிகழ்ச்சியில் வாரா வாரம் பாருகிட்ட பேசிப் பேசி எனக்கே சலித்துவிட்டது. பிக்பாஸ் நிகழ்ச்சியைப் பார்த்த ரசிகர்கள் பலருக்கும் வி.ஜே. பார்வதி மீது அதிருப்தி இருக்கலாம். ஆனால், இந்த முத்து என்கிற காட்டான் வெப் சீரிஸைப் பார்த்த பிறகு, உங்கள் எண்ணம் மாறும்; கண்டிப்பாக உங்களுக்கு அவளைப் பிடிக்கும் என்று கூறினார்.

அதுமட்டுமின்றி இந்த வெப் சீரிஸில் முத்துக்குமரன் மிகச் சிறப்பாக நடித்துள்ளார். அவர் ஒரு மிகச்சிறந்த திறமைசாலி. இப்படிப்பட்ட திறமையான நடிகரான முத்துக்குமரனை, தமிழ் சினிமாவின் முன்னணி இயக்குநர்களான கார்த்திக் சுப்புராஜ் மற்றும் மணிகண்டன் ஆகியோரிடம் அறிமுகம் செய்து வைப்பதில் நான் மகிழ்ச்சி அடைகிறேன் என்று கூறினார் விஜய் சேதுபதி.

பிக்பாஸ் நிகழ்ச்சிக்குப் பிறகு முத்துக்குமரன் மற்றும் வி.ஜே. பார்வதி இருவரும் விஜய்சேதுபதியுடன் ‘முத்து என்கிற காட்டான்’ வெப் சீரிஸில் நடித்துள்ளது குறிப்பிடத்த்க்கது.