விக்ரமின் அடுத்த படம் இந்த இயக்குனர் கூடவா?… எஸ்கே-வை தொடர்ந்து சியானுக்கு ஒரு ஹிட்டு பார்சல்!…

மடோன் அஸ்வின் இயக்கத்தில் நடிகர் சியான் விக்ரம் நடிக்க இருப்பதாக புதிய தகவல் ஒன்று வெளியாகி இருக்கின்றது.

தமிழ் சினிமாவில் மிகவும் பிரபலமான நடிகர்களில் ஒருவராக வலம் வருபவர் நடிகர் விக்ரம். இவர் நடிப்பில் கடந்த ஆகஸ்ட் மாதம் தங்கலான் திரைப்படம் வெளியாகி நல்ல வரவேற்பை பெற்று இருந்தது. இப்படத்தை இயக்குனர் பா ரஞ்சித் இயக்கியிருந்தார். மிகுந்த எதிர்பார்ப்புக்கு மத்தியில் வெளியான இந்த திரைப்படம் மிகப்பெரிய வரவேற்பை பெற்றது. இதனை தொடர்ந்து தற்போது சு. அருண்குமார் இயக்கத்தில் வீர தீரன் சூரன் என்கின்ற திரைப்படத்தில் நடித்து வருகின்றார்.

இதையும் படிங்க: பெரிய போராட்டத்துக்கு பின்னர் சூர்யா – ஆர்ஜே பாலாஜி படத்திற்கு ஓகே சொன்ன ஹீரோயின்…

இப்படத்தின் படப்பிடிப்பு ஏறத்தாழ இறுதி கட்டத்தை நெருங்கி விட்டது விரைவில் படத்தின் பணிகள் அனைத்தும் முடிவடைந்து வரும் பொங்கலுக்கு வெளியாகும் என்று கூறி வருகிறார்கள். ஆனால் இது தொடர்பான அதிகாரபூர்வ அறிவிப்பு எதுவும் வெளியாகவில்லை. இதற்கிடையில் நடிகர் விக்ரமின் அடுத்த திரைப்படம் தொடர்பான தகவல் வெளியாகியிருக்கின்றது.

அதாவது சியான் விக்ரமின் 63வது திரைப்படத்தை இயக்குனர் மடோன் அஸ்வின் இயக்க இருப்பதாக கூறப்படுகின்றது. இதற்கான பேச்சுவார்த்தை நடைபெற்று வருவதாக தகவல் கிடைத்துள்ளது. இயக்குனர் மடோன் அஸ்வின் ஏற்கனவே யோகி பாபு அவர்களை வைத்து மண்டேலா என்கின்ற திரைப்படத்தை இயக்கிய மிகப்பெரிய வெற்றியை கொடுத்தவர்.

ashwin

கோலமாவு கோகிலா திரைப்படத்திற்கு பிறகு யோகி பாபுவுக்கு மண்டேலா திரைப்படம் மிகப்பெரிய வெற்றிப்படமாக அமைந்தது. அதற்கு அடுத்ததாக தனது இரண்டாவது திரைப்படத்தில் சிவகார்த்திகேயன் அவர்களை வைத்து மாவீரன் என்கின்ற படத்தை இயக்கி வெற்றி கொடுத்தார்.

மடோன் அஸ்வின் இயக்கத்தை பொறுத்தவரையில் அரசியல் கதைகளத்தை காமெடியாக சொல்வது இவரின் பலம் என்றே கூறலாம்.  இவரது இயக்கத்தில் நடிகர் சியான் விக்ரம் நடிக்கப் போகின்றார் என்கின்ற தகவல் தற்போது சமூக வலைதள பக்கங்களில் வேகமாக பரவி வருகின்றது.

இதையும் படிங்க: இப்படியே போனா நாடும் நாட்டு மக்களும்…. சூது கவ்வும் 2வுக்கு வெளியான அதிரடி வீடியோ

இவர் நடிப்பில் கடைசியாக வெளியான தங்கலான் திரைப்படம் கலையான விமர்சனங்களை பெற்றிருந்தாலும் அதில் விக்ரமின் நடிப்பு அனைவராலும் பாராட்டப்பட்டது. தற்போது மடோன் அஸ்வின் இயக்கத்தில் நடிக்க இருப்பதாக கூறப்பட்ட வரும் நிலையில் இந்த படத்தை சாந்தி டாக்கிஸ் நிறுவனம் தயாரிக்க இருப்பதாகவும், 2025 ஆம் ஆண்டு இப்படத்தின் படப்பிடிப்பு தொடங்கும் என்றும் கூறப்படுகின்றது. விரைவில் இப்படத்தின் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.