Goat கேப்டனுக்கு ‘வாய்ஸ்’ கொடுத்தது யாருன்னு பாருங்க!

விஜயின் கோட் படத்திற்கு கலவையான விமர்சனங்கள் கிடைத்தாலும் கூட வசூலில் முன்னேறி வருகிறது.

விஜய், சினேகா, லைலா, மீனாட்சி சவுத்ரி, பிரபுதேவா, பிரசாந்த், மோகன், அஜ்மல், ஜெயராம், பிரேம்ஜி, அரவிந்த் ஆகாஷ் என ஏகப்பட்ட நட்சத்திரங்கள் நடிப்பில் கடந்த செப்டம்பர் 5-ம் தேதி வெளியான படம் கோட்.

கேப்டன் தொடங்கி தோனி, எஸ்கே என ஏகப்பட்ட கேமியோக்கள் இருந்தாலும் யுவனின் இசை, பரபரப்பில்லாத ஸ்கிரிப்ட் ஆகியவை படத்திற்கு கலவையான விமர்சனங்கள் கிடைக்க வழி வகுத்துள்ளன.

என்றாலும் ஜீவன்/ சஞ்சயின் நடிப்பு மற்றும் அடுத்த படத்திற்கான லீட் ஆகியவை இந்த படத்தினை பாக்ஸ் ஆபிஸில் இன்னும் உயிர்ப்புடன் வைத்துள்ளது. இந்தநிலையில் படத்தில் கேப்டன் விஜயகாந்திற்கு வாய்ஸ் கொடுத்தது யார் என்ற தகவல் வெளியாகி இருக்கிறது.

லவ்வர் மணிகண்டன் தான் கேப்டனுக்கு வாய்ஸ் கொடுத்துள்ளார். பல குரல்களில் பேசுபவர் என்பதால் மணிகண்டனுக்கு இந்த வாய்ப்பு கிடைத்துள்ளது. ஆரம்பத்தில் டைம் டிராவல், சயின்ஸ் பிக்ஷன் என ஏகப்பட்ட எதிர்பார்ப்புகள் படத்தின் மீது இருந்தன.

ஆனால் வெங்கட் பிரபு படத்தினை ஜவ்வாக இழுத்தது மற்றும் விறுவிறுப்பில்லாத திரைக்கதை ஆகியவற்றால் நடுநிலை மற்றும் பிற ரசிகர்களுக்கு படம் வொர்க் ஆகவில்லை.

என்றாலும் விஜய் ரசிகர்கள் மற்றும் பேமிலி ஆடியன்ஸ் ஆகியோருக்கு படம் பிடித்துள்ளதாகத் தெரிகிறது. தற்போது பெரிய படங்கள் எதுவுமில்லாமல் இருப்பதால், முதலுக்கு மோசமில்லை என்றளவில் படம் தப்பித்து விடும்.