Biggboss Tamil: பிக்பாஸ் வீட்டுக்குள் வரும் ‘வைல்டு கார்டு’ போட்டியாளர்? .. சூடு பிடிக்குமா?!..

Biggboss Tamil: பிக்பாஸ் நிகழ்ச்சியின் 8வது சீசன் தற்போது 45 நாட்களை கடந்து இருக்கிறது. கிட்டத்தட்ட பாதி கிணற்றினை தாண்டி இருக்கின்றனர். ஆனால் நிகழ்ச்சியின் டிஆர்பி மட்டும் கிணற்றில் போட்ட கல்லாக அப்படியே இருக்கிறது. இனிமேல் பிக்பாஸ் உள்ளே வந்து போட்டியாளராக மாறினால்தான் படுத்து கிடக்கும் டிஆர்பியை நடக்க வைக்க முடியும்.

அந்தளவு நிகழ்ச்சி பயங்கர போராக இருக்கிறது. விஜய் சேதுபதி வரும் வாரயிறுதி நாட்களில் அதற்கு மேல் போரடிக்கிறது. இந்தநிலையில் நிகழ்ச்சியின் 50வது நாளில் மீண்டும் ஒரு வைல்டு கார்டு போட்டியாளரை உள்ளே அனுப்பிட பிக்பாஸ் முடிவு செய்துள்ளாராம்.

இதையும் படிங்க: யார் என்ன சொன்னா என்ன? இதுதான் தனுஷ்.. சர்ச்சைகளுக்கு மத்தியில் ஜாலி பண்ணும் இட்லி கடை ஓனர்

இதுவரை வீட்டில் இருந்து ரவீந்தர், அர்னவ், தர்ஷா குப்தா, ரியா மற்றும் சுனிதா என ஐந்து போட்டியாளர்கள் வீட்டில் இருந்து வெளியேறி இருக்கின்றனர். இதில் ஒரு போட்டியாளரை மீண்டும் உள்ளே சென்று சண்டை போட வைப்பது பிக்பாஸின் பிளான்.

இதில் ஆண் போட்டியாளராக அர்னவ் மற்றும் பெண் போட்டியாளராக சுனிதா அல்லது ரியா இருவரில் ஒருவருக்கு வாய்ப்பு கிடைக்கலாம். என்றாலும் பெண்கள்தான் எக்ஸ்ட்ரா மசாலா சேர்த்து சண்டை போடுவார்கள் என்பதால் சுனிதா உள்ளே செல்ல வாய்ப்புகள் அதிகம் இருக்கின்றன.

Biggboss Tamil

வீட்டில் இருந்த நாட்களில் தாங்கள் எப்படி நடந்து கொண்டோம் என இதுவரை வீட்டில் இருந்து போட்டியாளர்கள் அனைத்தையும் நோட் செய்து இருப்பார்கள். குறிப்பாக தங்களை நாமினேஷன் லிஸ்டில் சிக்கவைத்தவர்கள் குறித்து கண்டிப்பாக கடுப்புடன் இருப்பார்கள்.

இதனால் அடுத்த பாதி நாட்களிலாவது கண்டெண்ட் கிடைக்கும் என்பது பிக்பாஸின் பிளானாக இருக்கிறது. ஆனால் என்னதான் பிக்பாஸ் திட்டம் தீட்டினாலும் அது நடந்தால் தானே? எது எப்படியோ பிக்பாஸ், விஜய் சேதுபதி இருவரையும் பார்த்தால் நமக்குதான் பாவமாக இருக்கிறது.