என்னால ஐந்து உசுரு போயிருக்கு!… கஞ்சா கருப்பு வாழ்வில் நடந்த சொல்ல முடியாத சோகம்…

Ganja karuppu: தமிழ் சினிமாவில் தனது காமெடிகளின் மூலம் மக்களை மகிழ்வித்தவர் நடிகர் கஞ்சா கருப்பு. தேனி மாவட்டத்தை சேர்ந்த இவர் தனது முயற்சியினால் சினிமாவில் நுழைந்தார். தமிழில் பிதாமகன் திரைப்படத்தின் மூலம் காமெடி நடிகராக அறிமுகமானார்.

பின் தொடர்ந்து பல திரைப்படங்களில் நடித்து வந்த கஞ்சா கருப்பு ஒரு காலத்தில் அனைத்து மக்களாலும் ரசிக்கப்பட்டார். இன்று வரை தொடர்ந்து பல திரைப்படங்களிலும் நடித்து வருகிறார். இவர் நடித்த பருத்திவீரன், சண்டகோழி போன்ற திரைப்படங்கள் இவரின் காமெடிகளை மக்களிடையே ரசிக்க வைத்தது.

இதையும் வாசிங்க: ஏன்டா நடிச்சோம்னு ஆயிடுச்சி!. மணிரத்னம் பட அனுபவம் சொல்லும் பிரபல நடிகை…

இவர் பின் விஜய் டிவியில் ஒளிபரப்பாகிய பிக்பாஸ் நிகழ்ச்சியில் கலந்து கொண்டார். தனது வெகுளியான பேச்சின் மூலம் மக்களை கவர்ந்தார். பின் சில வாரங்களுக்கு பின் வெளியேற்றவும் பட்டார். பிக்பாஸ் குறித்து பலர் எதிர்மறையான கருத்துகளை தெரிவித்து வந்தாலும் தான் பிக்பாஸ் வீட்டிற்கு போனதால்தான் தனக்கு ரசிகர்கள் அதிகமாகினர் என அவர் கூறியுள்ளார்.

பிக்பாஸ் நிகழ்ச்சிக்கு போனதால் கஞ்சா கருப்பு எனும் ஒருவர் உள்ளார் எனவும் அவர் காமெடிகளை நாம் பார்ப்போம் எனவும் மக்கள் நினைத்தனர் என அவர் கூறியுள்ளார். திரைப்படங்களில் மட்டுமே நடித்து வந்த கஞ்சா கருப்புக்கு தயாரிப்பாளராக ஆகவேண்டும் எனும் ஆசையும் ஏற்பட்டது.

இதையும் வாசிங்க:மொத்த பேரும் முட்டாளுங்க!.. படம் எடுத்து வீணாப்போனேன்!. புலம்பும் கஞ்சா கருப்பு..

வேல்முருகன் போர்வெல்ஸ் திரைப்படத்தின் மூலம் தயாரிப்பாளராகவும் மாறினார். ஆனால் இப்படத்தில் ஏற்பட்ட சறுக்கலை அவர் இன்று வரையிலும் நிலை நிறுத்த முடியவில்லை என்பதுதான் உண்மை. இப்படம் எடுக்கும்போதோ சரி வெளியான பின்னரும் சரி இவருக்கு பெரிய நஷ்டம்தான் ஏற்பட்டுள்ளது. மேலும் அந்த நஷ்டத்தை அவர் இன்று வரை அடைத்து முடிக்கவில்லை என்று பேட்டி ஒன்றில் மிகவும் வருத்தப்பட்டு பேசியுள்ளார்.

மேலும் இப்படம் எடுத்ததன் விளைவாக தான் ஆசையாக இருந்த வீட்டை இழந்ததாகவும் மேலும் தனது நெருங்கிய சொந்தகாரர்களான தனது அக்கா பையன், ஆயா, ஐயா, தனது மாமா என  5 பேர் உயிர் போய்விட்டதாகவும் கூறியுள்ளார். அவர்களை இழந்ததற்கு நானே காரணம் எனவும் கண் கலங்கி இவர் பேட்டியளித்துள்ளார். அதனால் இனி நடிப்பை தவிர வேறு எதுவும் செய்ய மாட்டேன் எனவும் அவர் தெரிவித்துள்ளார்.

இதையும் வாசிங்க:ஸ்ரீதேவி மரணம் திட்டமிட்ட சதியா?!. ஜப்பான் விஷம் காரணமா?!. பகிர் கிளப்பும் பிரபலம்…