என்னதான் உருண்டாலும் புரண்டாலும் ஒட்டுற மண்ணுதான் ஒட்டும்! நாட்டாமை உங்களுக்கா இந்த நிலைமை?

Sarathkumar: தமிழ் சினிமாவில் ஒரு சுப்ரீம் ஸ்டார் ஆக திகழ்ந்தவர் நடிகர் சரத்குமார். இவர் நடித்த ஆரம்ப காலங்களில் இவர்தான் ஒரு டாப் ஹீரோவாக வலம் வந்து கொண்டிருந்தார். குஷ்பூ, மீனா, ராதிகா போன்ற பல முன்னணி நடிகைகளுக்கு ஜோடியாக நடித்தார் சரத்குமார். நடிகர் சங்க தலைவராகவும் பொறுப்பேற்று இருந்தார்.

அதன் பிறகு அரசியலில் ஆர்வம் அதிகமாக இருந்ததால் அரசியலிலும் குதித்தார். தனியாக சமத்துவ மக்கள் கட்சி என்ற பெயரில் ஒரு கட்சியை ஆரம்பித்து அதை நிர்வகித்தும் வந்தார். இப்போது பல திரைப்படங்களில் குணச்சித்திர வேடங்களில் நடித்து வரும் சரத்குமார் இன்னொரு பக்கம் அரசியலிலும் தீவிரம் காட்டி வருகிறார். தனது கட்சியை கலைத்துவிட்டு பாஜகவுடன் இணைந்த சரத்குமார் பாஜக வேட்பாளராக தனது மனைவியும் நடிகையுமான ராதிகாவை விருதுநகர் தொகுதியில் நிற்க வைத்திருக்கிறார்.

இதையும் படிங்கள் கல்லா நிறைஞ்சிருச்சு! மூட்டை முடிச்ச கட்டிகிட்டு ஓடிடிக்கு தயாரான ‘அரண்மனை 4’! எப்போ ரிலீஸ் தெரியுமா?

தேர்தல் பிரச்சாரம் சூடு பிடித்ததில் இருந்தே கணவன் மனைவி சகிதமாக விருதுநகர் மாவட்டம் முழுவதும் எல்லா ஊர்களுக்கும் எல்லா கிராமங்களுக்கும் சென்று தங்களது ஓட்டை சேகரித்து வந்தனர். விருதுநகர் தொகுதிக்கு எப்போதுமே ஒரு தனி சிறப்பு இருக்கிறது. 1977-ல் நடைபெற்ற சட்டப் பேரவை தேர்தலில் அருப்புக்கோட்டை தொகுதியில் அப்போது எம்.ஜி.ஆர் போட்டியிட்டு வெற்றி பெற்று தமிழகத்தின் முதல்வரானார்.

அதன் பிறகு சாத்தூர் சட்டப்பேரவை தொகுதியில் போட்டியிட்ட காமராஜர் வெற்றி பெற்று முதல்வரானார். இப்படிப்பட்ட சிறப்பை பெற்றதுதான் விருதுநகர் மக்களவைத் தொகுதி. இப்போது அதே தொகுதியில் தனது மனைவி இராதிகாவும் வேட்பாளராக களம் இறங்கி இருக்கிறார். அவருக்கு எதிராக போட்டியிட்டவர் கேப்டன் விஜயகாந்த் மகனான பிரபாகரன்.

இதையும் படிங்க: சொந்த காசுல சூனியம் வச்சுக்கிட்ட பிரபாஸ்.. கல்கி 2898 ஏடி படத்துக்கு டோட்டலாக குறைந்த எதிர்பார்ப்பு?

நாளை தேர்தல் ரிசல்ட் என்பதால் தனது மனைவிக்காக சரத்குமார் விருதுநகரில் அமைந்துள்ள ஒரு புகழ்பெற்ற கோயிலில் அங்க பிரதிஷ்டம் செய்திருக்கிறார். அந்த வீடியோ தான் இப்போது வைரலாகி வருகின்றது. கோயில் முழுவதும் கைகூப்பி படுத்துக்கொண்டே தனது மனைவி வெற்றி பெற வேண்டும் என்பதற்காக அங்க பிரதிஷ்டம் செய்திருக்கிறார் சரத்குமார்.

இந்த வீடியோவை பார்த்த நெட்டிசன்கள் பலவாறு கிண்டல் செய்து வருகின்றனர். வாய்ப்பில்லை ராஜா என்றும் நாட்டாம இதெல்லாம் உங்களுக்கு தேவையா என்றும் கடுமையான விமர்சனங்களை கூறி வருகிறார்கள். நாளை இதற்கான பலன் என்ன என்பது பொறுத்திருந்து பார்ப்போம்.

இதையும் படிங்க: என்னது இந்த ராகத்தில் பாடினால் மழை வருமா? ராஜாவை கேலி செய்த யேசுதாஸ்.. நடந்தது என்ன தெரியுமா?