Ajith: அஜித் ஒன்னு பண்ணார்!.. அப்படியே பார்சல் பண்ணிட்டேன்!.. நெகிழும் நடிகர்…

Ajith: தமிழ் சினிமாவில் அஜித் ஒரு மாபெரும் உச்ச நடிகராக திகழ்ந்து வருகிறார். தற்போது அவருடைய நடிப்பில் விடா முயற்சி படத்தின் அப்டேட்டுக்காக ரசிகர்கள் காத்துக் கொண்டிருக்கிறார்கள். படப்பிடிப்பு எல்லாம் முடிந்த நிலையில் அந்தப் படத்தைப் பற்றி எந்த ஒரு அப்டேட்டும் வராத நிலையில் எங்கு பார்த்தாலும் இந்த படத்தின் அப்டேட்டை கேட்டு ரசிகர்கள் கூச்சலிட்டு வருகின்றனர்.

அது மட்டுமல்லாமல் அஜித்தே கடவுளே என்ற ஒரு கோஷத்தையும் கூட்டத்தின் நடுவில் ரசிகர்கள் கூறி வருகிறார்கள். சமீபத்தில் நடந்த விஜய் மாநாட்டில் கூட ‘அஜித்தே கடவுளே’ என கோஷமிட்டனர். அது மட்டுமல்ல இன்று நமது முதல்வர் ஸ்டாலின் கலந்து கொண்ட ஒரு விழாவிலும் அஜித்தே கடவுளே என்றுதான் மாணவர்கள் கூச்சல் இட்டனர் .

அந்த அளவுக்கு அஜித்தின் மீது ரசிகர்கள் காட்டும் அன்பு அளவில்லாமல் போய்க் கொண்டிருக்கின்றது. தற்போது ஆதிக் ரவிச்சந்திரன் இயக்கத்தில் குட் பேட் அக்லி திரைப்படத்திலும் அஜித் நடித்து வருகிறார் .இந்த படம் அடுத்த வருடம் பொங்கல் அன்று ரிலீஸ் என அறிவிக்கப்பட்டிருக்கிறது.

robo

இந்த நிலையில் அஜித்தை பற்றிய ஒரு ரகசியத்தை காமெடி நடிகர் ரோபோ சங்கர் ஒரு பேட்டியில் பகிர்ந்திருக்கிறார். ரோபோ சங்கரும் அஜித்தும் இணைந்து விஸ்வாசம் என்ற படத்தில் நடித்திருந்தனர். அந்த படத்தில் அஜித்துடன் படம் முழுவதும் ட்ராவல் செய்து இருப்பார் ரோபோ சங்கர்.

அந்த நேரத்தில் ரோபோ சங்கர் மது மற்றும் புகைக்கு அடிமையாகி இருந்தார். படப்பிடிப்பின் போது அஜித்துடன் பேசிக்கொண்டிருந்த சமயத்தில் திடீரென எழுந்து சென்றாராம் ரோபோ சங்கர். அஜித் ‘எங்கு செல்கிறீர்கள்?’ என கேட்க ‘இதோ வந்துவிடுகிறேன்’ என ரோபோ சங்கர் சொல்லி இருக்கிறார்.

உடனே அஜித் ‘தம் அடிக்கதானே போறீங்க’ எனக்கூறி அவர் வைத்திருந்த ஒரு சிகரட்டை வாங்கியிருக்கிறர். அப்போது ரோபோ சங்கர் ‘சார் மேடமுக்கு தெரிஞ்சா திட்ட போறாங்க.நீங்க நிறுத்தி எட்டு வருஷம் ஆச்சு’ என சொன்னாராம் .

அஜித்தோ ‘இதை எவ்வளவு ரசிச்சி குடிச்சிக்கிட்டு இருந்தேன்’ என ஃபீல் பண்ணி சொல்லி சிகரெட்டை பார்த்துகொண்டே இருந்துவிட்டு அழகாக அதை உதட்டில் வைத்து ரசித்து ஒரு இழு இழுத்தாராம். உடனே ரோபோ சங்கர் அந்த சிகரட்டை வாங்கி அதில் ‘அஜித் பிடித்த சிகரெட்’ என எழுதி பத்திரமாக வைத்துக் கொண்டாராம். இதை அந்த பேட்டியில் கூறி இருக்கிறார் ரோபோ சங்கர்.