Srikanth: இவன் கூட படம் பண்ணவே கூடாது! ஸ்ரீகாந்தை பற்றி சுந்தர் சி சொன்னதுக்கு பின்னாடி இதான் காரணமா?

Sriikanth: ரோஜா கூட்டம் படத்தின் மூலம் முதன்முதலாக தமிழ் சினிமாவில் அறிமுகமானவர் நடிகர் ஸ்ரீகாந்த். தமிழ் சினிமாவில் இவர் அறிமுகமாகி கிட்டத்தட்ட 15 வருடங்களுக்கு மேலாகியும் இன்னும் ஒரு நட்சத்திர அந்தஸ்தை பெற முடியாத நடிகராகவே இருந்து வருகிறார். ரோஜா கூட்டம் படத்திற்கு முன்பாகவே கே பாலச்சந்தர் இயக்கிய ஜன்னல் மரபுக் கவிதை என்ற சீரியலில் அறிமுகமானார் ஸ்ரீகாந்த்.

அதன் பிறகு தான் சசி இயக்கத்தில் ரோஜா கூட்டம் திரைப்படத்தில் நடிக்கும் வாய்ப்பு அவருக்கு வந்தது. முதல் படமே இவருக்கு பிளாக்பஸ்டர் ஹிட் கொடுக்க அடுத்தடுத்து அவருக்கு வாய்ப்புகள் வர தொடங்கின. தொடர்ந்து ஏப்ரல் மாதத்தில், மனசெல்லாம், பார்த்திபன் கனவு போன்ற படங்களில் நடித்து ரசிகர்களின் மனதில் குறிப்பாக பெண்களின் மனதை கொள்ளை கொண்ட நடிகராக மாறினார்.

இதையும் படிங்க: PradeepAntony: ஓவர் குசும்பு தான்!… திருமணம் முடிந்த கையோட பிரதீப் ஆண்டனி செஞ்ச வேலை… செம வைரல்!…

இவருடைய கெரியரில் இந்த திரைப்படங்கள்தான் இதுவரை மிகச் சிறந்த திரைப்படமாக அமைந்திருக்கின்றன. அதன் பிறகு வெளியான படங்கள் அனைத்தும் ஸ்ரீகாந்துக்கு தோல்வியாகவே அமைந்தது. நீண்ட வருடங்களுக்குப் பிறகு மீண்டும் சசி இயக்கத்தில் பூ என்ற படத்தில் நடித்த ஸ்ரீகாந்த் அந்த படம் அவருக்கு ஒரு டர்னிங் பாயிண்டாக அமைந்தது.

ஆனாலும் அந்த படத்திற்கு பிறகு அவருக்கு வாய்ப்புகள் சரிவர கிடைக்கவில்லை. அதனைத் தொடர்ந்து நண்பன் திரைப்படத்தில் விஜய்க்கு நண்பனாக ஒரு முக்கியமான கேரக்டரில் நடித்திருப்பார். இப்படி அவருடைய கிராப் இறங்கு முகமாகவே அமைந்து வந்தன. இந்த நிலையில் சமீப காலமாக பல பேட்டிகளில் அவருடைய சினிமா அனுபவங்களை பற்றி கூறி வருகிறார் ஸ்ரீகாந்த்.

இதில் இயக்குனர் சுந்தர் சி பற்றி அவர் ஒரு தகவலை பகிர்ந்திருக்கிறார். சுந்தர் சி ஒரு பேட்டியில் கூறும்போது  ‘நான் இந்த ஒரு ஹீரோவை வைத்து மட்டும் படம் எடுக்கவே மாட்டேன். அவருடன் சேர்ந்து நடிக்கவும் மாட்டேன். அந்த ஹீரோ வேறு யாருமில்லை ஸ்ரீகாந்த் ’என சுந்தர் சி கூறியிருப்பார். அதை குறிப்பிட்டு பேசிய ஸ்ரீகாந்த் சுந்தர் சி அப்படி சொன்னதுக்கு பின்னாடி காரணம் என்னவென்றால்  ‘சுந்தர் சி ஒரு சமயம் காதல் கதையை மையமாக வைத்து ஒரு படத்தை எடுக்க முடிவெடுத்திருந்தார்.

இதையும் படிங்க: Vijayasanthi: அடி வாங்கி தான் சூப்பர் ஸ்டார் ஆனேன்.. நீண்ட நாளுக்கு பிறகு விஜயசாந்தி கொடுத்த பேட்டி

அப்போது அவருடைய உதவியாளர் என்னிடம் கால்ஷீட் கேட்க வந்திருக்கிறார். அப்போது என்னுடைய மேனேஜர் ஒருவர் தான் அங்கு இருக்க அவர் என்னுடைய உறவுக்காரரும் கூட. அவர் என்னை பார்க்க அனுமதிக்க வில்லையாம். முதலில் என்னிடம் கதை சொல்லுங்கள். எனக்கு பிடித்திருந்தால் மட்டுமே ஸ்ரீகாந்துக்கு கதை சொல்ல அனுமதிப்பேன் எனக் கூறினாராம்.

srikanth

இதை அந்த உதவியாளர் சுந்தர் சியிடம் போய் சொல்ல அவருக்கு ஒரு மேனேஜரிடம் கதை சொல்லித்தான் ஹீரோவை ஒப்பந்தம் செய்ய வேண்டும் என்ற அவசியம் எனக்கு இல்லை என கோபித்துக் கொண்டிருக்கிறார்’. அதிலிருந்து இப்போது நல்ல கதையாகட்டும் எந்த கதையாகட்டும் முதலில் அந்த கதையை நான் முழுவதுமாக கேட்டு விடுகிறேன் என அந்த பேட்டியில் ஸ்ரீகாந்த் கூறியிருக்கிறார்.