latest news
Rajaputhiran: அப்பா, புள்ளை எமோஷனல் ஒர்க் அவுட்டாச்சா? ராஜபுத்திரன் எப்படி இருக்கு?
மகா கந்தன் இயக்கத்தில் பிரபு, வெற்றி, மன்சூர் அலிகான், இமான் அண்ணாச்சி, கோமல் குமார், லிவிங்ஸ்டன் உள்பட பலர் நடித்துள்ள படம் ராஜபுத்திரன். இன்று திரையரங்குகளில் வெளியாகியுள்ளது. டி.இமான் இசை அமைத்துள்ளார். 1991ல் ராமநாதபுரத்தில் இருக்கும் செல்லையாவின் மகன் பட்டா. அவனை எந்த ஒரு வேலைக்கும் போகவிடாம பத்திரமா பார்த்துக்கிடுறாரு.
பொண்ணை விட பையனுக்கு நல்லா செல்லம் கொடுக்குறாரு. அவரு விவசாயிங்கறதால பையனை எந்த அளவுக்கு நல்லா வளர்க்க முடியுமோ அப்படி வளர்க்குறாரு. ஆனா பையனோ எங்க அப்பா என்னை வேலைக்குப் போக விட மாட்டேங்குறாரு. அதனால நான் ஊதாரித்தனமாகத் தான் சுத்துவேன்னு சுத்துறாரு.
அப்பாவுக்கு விவசாயத்துல கஷ்டம் வந்துடுது. அப்போ பையன் நாம இனி வேலைக்குப் போயே ஆகணும்கற நிலைக்கு வந்துடுறாரு. அப்போ அந்தப் பகுதியில் உள்ள தாதாக்கள் ஒரு சிலர் உண்டியல்னு ஒரு விஷயத்தைப் பண்றாங்க. பிளாக் மணியை ஒயிட்டா மாத்துற வேலை.
அந்த வேலைக்கு ஹீரோ போறாரு. போனதுக்குப் பிறகு சில பிரச்சனை வரும். நடுவுல காதல் வேற. இந்தப் பிரச்சனைகளை எல்லாம் அப்பாவும், மகனும் எப்படி எதிர்கொள்கிறாங்க என்பதுதான் மீதிக் கதை.
பிரபுவின் நடிப்பு வெகு அருமையாக உள்ளது. என் பையன் எனக்கு மட்டும் தான். அவனை வேலைக்கு எல்லாம் போகச் சொல்ல மாட்டேன்னு அவனைத் தாங்கு தாங்குன்னு தாங்குறாரு. அது நம் நெஞ்சைத் தொடுற விதத்தில் இருக்கு.
பையன் பொண்ணைக் கூட்டிட்டு வந்த போதும்கூட, அவன் மேல கோபப்படாமல் என் பையன் கல்யாணம் பண்ணிக்கப் போற பொண்ணு. எல்லாரும் பாருங்கன்னு ஊருக்கே ஒரு கொண்டாட் டத்தோடு சொல்கிற இடத்திலும், என் பையன் ஃபாரின் போயிட்டு காசு அனுப்பிருக்கான்னு ஊரு முழுக்க சந்தோஷத்தில் சொல்கிற போதும் பிரபு நெஞ்சில் நிற்கிறார்.
பட்டாவாக வெற்றி அருமையாக நடித்துள்ளார். ஹீரோயினாக கிருஷ்ணப்பிரியாவும் அருமையான நடிப்பு. கவர்ச்சியிலும் கலக்குகிறார். மற்றபடி வில்லனாக வரும் கோமல் குமார் டெரரா வருகிறார். லிவிங்ஸ்டன் அவரு கூடவே வந்து போகிறார். அவருக்கு கேரக்டருக்கு ஏற்ற நடிப்பு. 91 பீரியடுக்கு ஏற்ற மாதிர மியூசிக் அருமை. ஒரு சில பாடல்கள் சபாஷ் போட வைக்கிறது.
படத்தின் மைனஸ் என்னன்னா ஸ்க்ரீன்பிளே இன்னும் கொஞ்சம் நல்லா பண்ணி இருக்கலாம். அப்பா புள்ளை எமோஷனல் ஸ்க்ரீன்ல இருக்கு. ஆனா ஆடியன்ஸ் கூட அவ்வளவாக கனெக்ட் ஆகல என்றே சொல்ல வேண்டும். பிரபுவுக்கு இன்னும் கொஞ்சம் வெயிட்டான ரோல் கொடுத்துருக்கலாம். மொத்தத்தில் ராஜபுத்திரன் சுமார் ரகம்.
