8 ராசி இல்ல.. 7 பாட்டு போதும்!.. எல்லா பாட்டும் ஹிட்!.. இளையராஜா செய்த சம்பவம்..

80, 90களில் இளையராஜாவை இசையமைத்து சூப்பர் ஹிட் அடித்த பல பாடல்கள் இப்போதும் 70,80களில் பிறந்த ரசிகர்களால் ரசிக்கப்பட்டு வருகிறது. அதேநேரம் அப்படி பல வருடங்கள் கழித்தும் ரசிகர்கள் சிலாகித்து ரசிக்கும் இளையராஜாவின் அந்த பாடல்கள் எல்லாம் மிகவும் குறைவான நேரங்களில் அவர் இசையமைத்தது என்பது பலருக்கும் தெரியாது.. பல திரைப்படங்களுக்கு அனைத்து பாடல்களையும் அரை மணி நேரத்தில் இளையராஜா போட்டு கொடுத்திருக்கிறார்..

கமலின் குணா, பிரபுவின் சின்னத்தம்பி உள்ளிட்ட பல திரைப்படங்களுக்குமான பாடல்கள் எல்லாமே இளையராஜா அரை மணி நேரத்தில் உருவாக்கினார் என்று சொன்னால் யாரும் நம்ப மாட்டார்கள்… அதாவது ஒரு பாடலுக்கு மெட்டமைக்க் அதிகபட்சம் ஐந்து நிமிடம்தான்..

இந்நிலையில், சமீபத்தில் ஊடகம் ஒன்றில் பேசிய இயக்குனர் மற்றும் தயாரிப்பாளர் கே.ஆர் ஈரமான ரோஜாவே திரைப்படத்தை நான் இயக்கியபோது அந்த படத்துக்கான பாடல்களை உருவாக்க இளையராஜாவிடம் சென்றபோது அரை மணி நேரத்தில் 8 பாடல்களை போட்டுக் கொடுத்தார்.. எனக்கு 8ம் நம்பர் ராசி இல்லை என்று சொல்லி 7 பாடல்களை மட்டும் தேர்ந்தெடுத்தேன். அத்தனை பாடல்களும் சூப்பர் ஹிட்.. அந்த பாடலுக்கு ஏற்றது போல படமும் சரியாக அமைந்தது..

அதேபோல் நான் தயாரித்த சின்னப்பூவே மெல்லப்பேசு படத்திலும் காட்சிகளுக்கு ஏற்றார் போல் பாடல்கள் போடவில்லை.. பாடல்களுக்காகவே கதையை உருவாக்கினோம்’ என சொல்லியிருக்கிறார்..