தலை கீழாகத்தான் குதிப்பேன்!. தனித்து நிற்கும் விஜயின் முடிவு சரியா?…

நடிகர் விஜய் துவங்கியுள்ள தமிழக வெற்றிக் கழகம் முதல் சட்டமன்ற தேர்தலை சந்திக்கவுள்ளது.
கட்சி துவங்கிய போது விக்கிரவாண்டி முதல் மாநாட்டில் எங்களுடன் கூட்டணி வருபவர்களுக்கு ஆட்சி மற்றும் அதிகாரத்தில் பங்கு கொடுப்போம் என அறிவித்தார் விஜய்..

இப்படி அறிவித்தால் பல வருடங்களாக அதிமுக, திமுக கட்சிகளுடன் கூட்டணி அமைக்கும் அரசியல் கட்சிகள் தன் பக்கம் வரும் என விஜய் ஒரு கணக்கு போட்டார். ஆனால் அவர் நினைத்தது நடக்கவில்லை. ஏனெனில் விஜய் அரசியலுக்கு புதுசு என்பதுதான் அதற்கு காரணம். விஜய் ஒரு பிரபலமான நடிகராக இருப்பதால் அவர் ரசிகர்கள் அவர்களுக்கு வாக்களித்தார்கள்.. ஆனால் தேர்தலில் வெற்றி பெற பொதுமக்களின் ஆதரவும், வாக்கும் மிகவும் முக்கியம். ஆனால் எல்லோருடைய ஆதரவும் நமக்கு கிடைக்கும் என விஜய் நம்பிக்கொண்டிருக்கிறார்..

அதனால்தான் இப்போது வரை எந்த கட்சியுடனும் தவெக கூட்டணி அமைக்கவில்லை. காங்கிரஸ் மட்டும் தவெகவுடன் இணைய ஆர்வம் காட்டியது.. சிலர் தவெகவுடன் பேசினார்கள்.. ஆனால் என்ன காரணமோ அது நடக்கவில்லை. ஒருபக்கம் அதிமுக – பாஜக கூட்டணியில் விஜய் இணைகிறார் என்கிற செய்தி கடந்த சில நாட்களாகவே ஓடிக்கொண்டிருந்தது.. ஆனால் தவெக அதை மறுக்கிறது. ஊடகங்களில்தான் செய்து வெளியாகி வருகிறதே தவிர எந்த ஒரு அதிகாரப்பூர்வ அறிவிப்பும் இதுவரை வெளியாகவில்லை..

எனவே, விஜயின் தமிழக வெற்றி கழகம் தனித்து போட்டியிவது கிட்டத்தட்ட உறுதியாகிவிட்டது. விஜய் தடுத்து நின்றால் 17 சதவீத வாக்குகளை வாங்குவார் என கருத்துக்கணிப்புகள் சொல்கிறது. ஆனால், விஜய் சிறுபான்மையினரின் ஓட்டுக்களை திமுகவிலிருந்து பிரிப்பார்.. திமுகவின் எதிர்ப்பு ஓட்டுக்களை அதிமுகவிடமிருந்து பிரிப்பார்.. சில தொகுதிகளில் வெற்றி பெறுவார். எனவே அவர் கூட்டணி அமைப்பதுதான் நல்லது என்கிறார்கள் அரசியல் விமர்சகர்கள்..

ஆனால் விஜய் அதை நம்புவது போல் தெரியவில்லை.. நாம்தான் கிங் மேக்கர்.. தவெக 25 சதவீதத்திற்கு மேல் வாக்குகளை பெற்று பல தொகுதிகளிலும் வெற்றி பெறுவோம். அதிமுகவும், திமுகவும் மெஜாரிட்டி கிடைக்காமல் போகும் ஆட்சி அமைக்க நம்மிடம் வந்து கெஞ்சுவார்கள்.. அப்போது நாம் டிமாண்ட் வைப்போம் என நம்புகிறார் விஜய். இதையடுத்து விஜய் தலை கீழாகத்தான் குதிப்பேன் என முடிவெடுத்துவிட்டார் என அரசியல் விமர்சகர்கள் கிண்டலடிக்கிறார்கள்.

விஜய் நம்புவது நடக்குமா?. அவருக்கு வெற்றி கிடைக்குமா? என்பதை பொறுத்திருந்து பார்க்க வேண்டும்..