Bakkiyalakshmi: விஜய் தொலைக்காட்சியில் இன்னொரு சீரியல் மூலம் வர இருப்பதாக சதீஷ் அறிவித்து இருந்த நிலையில் அவர் வெளியிட்டு இருக்கும் புது வீடியோவில் அதிர்ச்சி தகவலை வெளியிட்டு இருக்கிறார்.
வீட்டு பெண்ணின் போராட்டங்களை மையமாக வைத்து ஒளிபரப்பான பாக்கியலட்சுமி சீரியல் மிகப்பெரிய அளவில் ஹிட்டடித்தது. அதில் பாக்கியா கேரக்டர் பாசிட்டிவ் விதத்தில் ரீச் கொடுத்தது என்றால் வில்லனாக நடித்த கோபி வேறு விதமாக லைக்ஸ் குவித்தார்.
அவரின் நடிப்பு பெரிய அளவில் வரவேற்பை பெற்றது இல்லாமல் வில்லனுக்கே ரசிகர் கூட்டம் கூடியது. கதையே இல்லாமல் இந்த கேரக்டர்களுக்காகவே சீரியலை இழு இழுவென இழுத்து மூடி வைத்தனர். ஆனால் தற்போது கோபி பாக்கியா ஜோடி மீண்டும் ஒரு சீரியலில் களமிறங்க இருப்பதாக அறிவிப்பு வெளியானது.
ஆதலால் காதல் செய்வீர் என டைட்டில் வைக்கப்பட இருக்கும் இந்த சீரியலின் ஹீரோவாக அருண் பிரசாத் நடிக்க இருப்பதாக கூறப்பட்டது. இந்நிலையில் சதீஷ் இந்த கேரக்டரில் இனி நடிக்க மாட்டார் என அவர் இன்ஸ்டாவில் வெளியிட்டு இருக்கும் வீடியோ அதிர்ச்சியை ஏற்படுத்தி இருக்கிறது.
இதுகுறித்து அவர் பேசி இருக்கும் வீடியோவில், சில விஷயங்கள் நம்மை விட்டு போகும் போது கஷ்டமாக இருக்கும். ஆனால் பின்னால் அது நன்மையாக மாறும் என்றும் எல்லாரும் என்னை மன்னிசுட்ங்க எனவும் குறிப்பிட்டுள்ளார்.
இதற்கு ரசிகர்கள் சீக்கிரம் நீங்க விஜய் டிவிக்கு வருவீங்க என ரசிகர்கள் ஆதரவாக கமெண்ட் செய்து வருகின்றனர். சுசித்ராவுக்கு ஜோடியாக இனி யார் வருவார் என்பதை பொறுத்திருந்து பார்க்கலாம்.
