ஜி.வி.பிரகாஷ் நடிப்பில் நேற்று முந்தினம் வெளியான படம் ஹேப்பி ராஜ். மரியா ராஜா இளஞ்செழியன் இயக்கத்தில் வெளியான இப்ப்படத்தில் ஜி.வி. பிரகாஷ் உடன் ஜார்ஜ் மரியான், ஸ்ரீ கௌரி பிரியா, அப்பாஸ் உள்ளிட்ட பலர் நடித்துள்ளனர். மரியா ராஜா இளஞ்செழியன் பிரதீப் ரங்க நாதனிடம் உதவி இயக்குனராக பணியாற்றியர்வர் என்பது குறிப்பிடத்தக்கது.
ஹேப்பி ராஜ் கலவையான விமர்சனங்களையே பெற்றபோதிலும் வசூல் ரீதியாக பார்த்தால் மக்களின் ஆதரவு இப்படத்திற்கு அதிகரித்துள்ளது என்றே தெரிகிறது.
இந்தியாவின் முன்னணி பாக்ஸ் ஆபிஸ் கணிப்பு மற்றும் சினிமா தரவு பகுப்பாய்வு இணையதளமான சாக்னில்க் (Sacnilk) வெளியிட்டுள்ள தகவலின்படி முதல் நாளை விஅட் இரண்டம் நாள் வசூல் எகிறியிருக்கிறது என்பது உறுதியாகிறது.
இதன்படி ஹேப்பி ராஜ் முதல் நாள் ரூ. 65 லட்சம் மட்டுமே வசூல் செய்திருந்தது. ஆனால் இரண்டாம் நாளான நேற்று ரூஉ 1 கோடியோ 15 லசம் வசூல் ஆகியிருக்கிறது. இது முதல் நாள் வசூலை விட கிட்டத்தட்ட 76% அதிகமாகும். இன்று ஞாயிறு என்பதால் வசூல் இன்னும் அதிகரிக்கும் என்றே எதிர்பார்க்கப்படுகிறது.
படம் குறித்து கலவையான விமர்சனங்கள் வந்தாலும் படத்தின் கதைக்களம் மற்றும் திரைக்கதை சாதாரண மக்களை ஈர்க்கும் வகையில் அமைந்திருந்ததாக சில விமர்சகர்கள் கருத்து தெரிவித்தனர். குறிப்பாக ஜார்ஜ் மரியான் ஜி.வி. பிரகாஷ் தந்த மகன் செண்டிமெண்ட் பெண்களை பெரிதும் ஈர்த்துள்ளதாக் கூறப்படுகிறது.
