லவ் டுடே, டிராகன், ட்யூட் வெற்றி படங்களை தொடர்ந்து அடுத்து பிரதீப் ரங்கநாதன் நடிப்பில் எல்ஐகே வருகிற 10ம் தேதி வெளியாகிறது.
விக்னேஷ் சிவன் இயக்கத்தில் பிரதீப் ரங்கநாதன் நடிப்பில் வெளிவர உள்ள படம் எல்.ஐ.கே. கீர்த்தி ஷெட்டி நாயகியாக நடித்துள்ள இந்த படத்திற்கு அனிருத் இசையமைத்துள்ளார். ஏற்கெனவே இரண்டு பாடல்கள் யூடியூப்பில் வெளியாகி சக்கை போடு போட்டுள்ளது. இந்த படத்தின் படப்பிடிப்பு முடிந்தும் நீண்ட நாட்களாக வெளியாகவில்லை. கடண்டஹ் வருடமே வெளியாகும் என்று எதிர்பார்க்கபட்ட இந்த படம் ஒரு வழியாக ஏப்ரம் 10ல் வெளியாகும் என்று அதிகாரபூர்வமாக அறிவிக்கப்பட்டுள்ளது. முக்கிய கதாபாத்திரத்தில் எஸ்.ஜே. சூர்யா நடித்துள்ளது படத்திற்கு கூடுதல் பலத்தை ஏற்படுத்தியுள்ளது.
முதலில் படத்திற்கு ‘எல்.ஐ.சி’ (Love Insurance Corporation) எனப் பெயரிடப்பட்டது. ஆனால், இந்திய ஆயுள் காப்பீட்டுக் கழகத்தின் (LIC) காப்புரிமைப் பிரச்சனை மற்றும் சட்ட ரீதியான நோட்டீஸ் காரணமாகப் படத்தின் தலைப்பு எல்ஐகே (Love Insurance Kompany) என மாற்றப்பட்டது.
இந்த நிலையில் இப்படத்தின் டிரைலர் நாளை மாலை 5 மணிக்கு வெளியாக உள்ளது. இது குறித்த தகவலை படக்குழு இன்றூ அறிவித்துள்ளனர்.
