விஜயகாந்த் செய்த உதவி!.. பொண்ணு இப்ப தாசில்தார்!.. இயக்குனர் நெகிழ்ச்சி!…

திரைத்துறையில் எம்ஜிஆருக்கு பின் பலருக்கும் உதவி செய்த ஒரே நடிகர் விஜயகாந்த் மட்டுமே. குறிப்பாக விஜயகாந்த் பலரும் கஷ்டப்படுவதை தெரிந்து அவரே நேரில் சென்று உதவி செய்தார். அதனால்தான் விஜயகாந்தை மக்கள் கொண்டாடுகிறார்கள். இன்னும் சொல்லப்போனால் விஜயகாந்த் செய்த பல விஷயங்களை எம்.ஜி.ஆர் கூட செய்தது இல்லை.

சினிமா துறையில் விஜயகாந்தின் உதவியை பெற்று வளர்ந்தவர்கள் பலரும் இருக்கிறார்கள்.. அதேபோல் பலருக்கும் இக்கட்டான சூழ்நிலைகளில் உதவி இருக்கிறார் விஜயகாந்த். இயக்குனர் கஸ்தூரிராஜாவின் மகள் மற்றும் நடிகர் தனுஷின் சகோதரியை மருத்துவ கல்லூரியில் சேர்த்து விட்டதே விஜயகாந்த்தான். என் மகள் இப்போது மருத்துவராக இருக்கிறார் என்றால் அதற்கு காரணம் கேப்டன்தான் என கஸ்தூரி ராஜாவே பேட்டி கொடுத்தார்..

இந்நிலையில், தமிழ் சினிமா முக்கிய திரைப்படங்களை இயக்கிய சீனு ராமசாமி சமீபத்தில் ஊடகம் ஒன்றில் பேசியபோது ஒரு முக்கிய தகவலை பகிர்ந்திருக்கிறார். எனக்கு தெரிந்த நண்பர் ஒருத்தர் அவரோட பொண்ணுக்கு பீஸ் கட்டணும்.. அதற்கு விஜயகாந்த் சாரிடம் உதவி கேட்கணும் என என்னிடம் வந்தார்.. நானும் அவரை விஜயகாந்த் சாரிடம் அழைத்துச் சென்றேன்..

அவர் கேட்டது ஒரு வருஷத்துகான பீஸ்.. கேப்டன் சார் ரெண்டு வருஷம் காலேஜ் ஃபீஸ், அது மட்டும் இல்லாம ரெண்டு வருஷம் ஹாஸ்டல் பீஸும் சேர்த்து கொடுத்தாரு.. அப்போதிலிருந்து அவர் மேல் எனக்கு அவ்வளவு காதல், மரியாதை வந்துருச்சு.. இப்ப அந்த பொண்ணு தாசில்தாரா இருக்காங்க’ என சொல்லியிருக்கிறார்.