Ajith vs Vijay: மதுரை தல கோட்டை! புதுசா யாரும் நுழைய முடியாது.. விஜய்க்கு எதிரா பொங்கிய ரசிகர்கள்

நேற்று அஜித் நடித்த மங்காத்தா படம் ரீ ரிலீஸ் ஆனது. கடந்த 2011 ஆம் ஆண்டு வெளியான இந்தப் படத்திற்கு எப்படி ஒரு ரெஸ்பான்ஸை கொடுத்தார்களோ அதே மாதிரியான ஒரு வரவேற்பைத்தான் ரீ ரிலீஸிலும் மக்கள் கொடுத்து வருகின்றனர். முதல் நாள் முதல் காட்சியில் ஏராளமான ரசிகர்கள் குவிந்ததையும் பார்க்க முடிந்தது. இந்த பொங்கல் எந்த ஒரு பெரிய நடிகரின் படம் ரிலீஸாகததால் மங்காத்தா படத்திற்கு பெரிய வரவேற்பு கிடைத்துள்ளது.

குறிப்பாக அஜித் கோட்டை என கருதப்படும் மதுரையில் அஜித் ரசிகர்கள் படத்தை பெரியளவில் கொண்டாடி வருகின்றனர். இந்த நிலையில் ஒரு தியேட்டரில் விஜய் ரசிகர்களுக்கும் அஜித் ரசிகர்களுக்கும் மோதல் ஏற்பட்டிருக்கிறது. படம் ஓடிக் கொண்டிருக்கும் போது டிவிகே கட்சியை உயர்த்தியபடி விஜய் ரசிகர்கள் ஆரவாரம் செய்துள்ளனர். அதற்கு அஜித் ரசிகர்கள் இது அதற்கான இடம் இல்லை என்று சொல்லி அவர்களை கட்டுப்படுத்தியிருக்கின்றனர்.

படம் முடிந்து வெளியே வந்ததும் மீண்டும் அதே மாதிரியான செயலில் விஜய் ரசிகர்கள் ஈடுபட அஜித் ரசிகர்களுக்கும் விஜய் ரசிகர்களுக்கும் மோதல் ஏற்பட்டிருக்கிறது. இது ஒரு பக்கம் இருக்க மதுரையில் ஒரு தியேட்டரில் படம் பார்த்துவிட்டு வெளியே வந்த அஜித் ரசிகர்கள் எந்த கட்சிக்கு வேண்டுமானாலும் ஓட்டு போடுங்க. ஆனா ஒரு புதிய கட்சி வந்துருக்கு . அதுக்கு மட்டும் போடாதீங்க.

இத்தனை வருஷத்தில் புதுசா நிவாரணம் தருவாராம். குழந்தைகளை அழைத்து கிஃப்ட் கொடுப்பாராம். அதெல்லாம் நம்பாதீங்க. மற்ற கட்சிக்கு வேண்டுமானால் ஓட்டு போடுங்க. அந்த கட்சிக்கு மட்டும் போடாதீங்க. மதுரை தல கோட்டைடா. விஜய்க்கு ஓட்டு போட விட மாட்டோம் என்று ஆவேசமாக பேசுவதை பார்க்க முடிந்தது.