AK 64: பூசாரியே இல்லாம பூஜையா? தொடர் சிக்கலில் ‘ஏகே 64’.. எதையும் கண்டுக்காத அஜித்

ஒரு பக்கம் விஜய் நடித்த ஜனநாயகன் படத்திற்கு சிக்கல். இன்னொரு பக்கம் பிப்ரவரி மாதம் அஜித் படம் தொடங்குமா தொடங்காதா என்ற சந்தேகம். இப்படி தமிழ் சினிமாவில் ஒரு பெரிய வெற்றிடமே தற்போது உருவாகியிருக்கிறது என்றுதான் சொல்லவேண்டும். இத்தனை வருடங்களாக மாறி மாறி உச்சத்தில் இருந்த இரு பெரும் நடிகர்கள் போட்டிப் போட்டுக் கொண்டிருக்க இப்போது அந்த போட்டியே இல்லாத போது ரசிகர்களுக்கே ஒரு வித சளிப்பு வந்துவிட்டது.

இந்த நிலையில் அஜித் ஆதிக் இணையும் படம் பிப்ரவரி மாதம் 23 ஆம் தேதி தொடங்க இருப்பதாக ஒரு தகவல் வெளியானது. அதே நேரம் இன்னும் அந்தப் படத்திற்கான தயாரிப்பாளரும் முடிவாகவில்லை. அப்படியிருக்கும் போது எப்படி பிப்ரவரி மாதம் அந்தப் படத்தை தொடங்குவார்கள் என்ற கேள்வியும் இருக்கிறது. இதற்கிடையில் ஆரம்பத்தில் இந்தப் படத்தை மைத்ரி மூவி மேக்கர்ஸ் நிறுவனம்தான் தயாரிப்பதாக இருந்தது.

ஆனால் ஆதிக் இயக்குவதாக இருந்தால் இந்தப் படத்தை தயாரிக்க மாட்டோம் என்றும் சொல்லியிருந்தார்கள். இப்போது எந்த தயாரிப்பாளரும் முன்வராத நிலையில் மீண்டும் மைத்ரி மூவி மேக்கர்ஸ் நிறுவனம்தான் தயாரிக்கும் என்ற ஒரு தகவல் வெளியாகியிருக்கிறது.

இன்னொரு பக்கம் ஏற்கனவே மைத்ரி மூவி மேக்கர்ஸ் நிறுவனத்திற்கு பெரும் பொருளாதார நெருக்கடி இருப்பதாகவும் சொல்லப்படுகிறது. ராம்சரணை வைத்து பெட்டி என்ற படத்தை மைத்ரி முவி மேக்கர்ஸ் நிறுவனம் தயாரித்திருக்கிறது. மார்ச் மாதம் அந்தப் படம் வெளியாகும் என்று சொல்லப்பட்ட நிலையில் இப்போது ரிலீஸ் தேதி தள்ளி வைக்கப்பட்டுள்ளதாக தெரிகிறது.

இன்னொரு பக்கம் ஜூனியர் என்.டி.ஆர்-ஐ வைத்தும் ஒரு படத்தை தயாரித்திருக்கிறார்கள். அந்தப் படத்தை பிரசாந்த் நீல் இயக்கியிருக்கிறார். அந்தப் படத்தின் ரிலீஸ் தேதியையும் மைத்ரி மூவி மேக்கர்ஸ் நிறுவனம் தள்ளி வைத்திருக்கிறது. இப்படி இரு பெரும் நடிகர்களின் படங்களுக்கும் போட்ட முதலீட்டை எடுக்க முடியாமல் இருக்கும் இந்த நிறுவனம் எப்படி அஜித் படத்தை எடுப்பார்கள் என்ற வகையிலும் ஒரு பேச்சு போய்க் கொண்டிருக்கிறது. பேசாமல் ஏகே புரடக்‌ஷன் என்ற பெயரில் அஜித்தே எடுத்தால்தான் இந்தப் படம் டேக் ஆஃப் ஆகும் என்று கலாய்த்து வருகின்றனர்.