ஹை பட்ஜெட் கேங்ஸ்டர் படம்!. ஆதிக்கை அஜித் மீண்டும் டிக் செய்தது எப்படி?...

Ajithkumar: சாக்லேட் பாயாக இருந்து மாஸ் ஹீரோவாக மாறியிருப்பவர் அஜித். துவக்கத்தில் காதல் கலந்த ஆக்‌ஷன் படங்களில் மட்டுமே நடித்து வந்த அஜித் பில்லா, மங்காத்தா போன்ற படங்கள் அவரை மாஸ் நடிகராக மாற்றியது. எனவே, அஜித்தும் அந்த ரூட்டிலேயே பயணிக்க துவங்கினார். நல்ல கதைகளில் நடிக்க வேண்டும் என்பதை விட விஜய்க்கு டஃப் கொடுக்க வேண்டும் என்பதே அஜித்துக்கே டார்கெட்டாக மாறியது.

எனவே, விஜயின் வாரிசு படம் வெளியானபோது தனது துணிவு படத்தை ரிலீஸ் செய்தார். துணிவு படம் நல்ல வசூலை பெற்றது. அதே அஜித் மகிழ் திருமேனியுடன் இணைந்து விடாமுயற்சி என்கிற நல்ல கதையிலும் நடித்தார். இந்த படத்தில் வில்லன் ஆட்களிடம் அடிவாங்குவது போல கூட சில காட்சிகளில் நடித்தார்.

இதனாலேயே இந்த படம் அஜித் ரசிகர்களுக்கு பிடிக்கவில்லை. எனவேதான், ஆதிக் ரவிச்சந்திரனோடு இணைந்து குட் பேட் அக்லி படத்தில் நடித்தார். இந்த படத்தில் தனது ரசிகர்கள் தன்னிடம் என்ன எதிர்பார்ப்பார்களோ அதை அனைத்தையும் கொடுத்தார் அஜித். அதனாலேயே இப்படம் ஹிட் அடித்தது.

இப்போது மீண்டும் ஆதிக் ரவிச்சந்திரனுடன் கூட்டணி அமைத்திருக்கிறார் அஜித். அஜித் இப்போது கார் ரேஸில் இருக்கிறார். இந்த மாதம் அக்டோபர் வரை அவருக்கு அங்கே கார் ரேஸ் இருக்கிறது. அதை முடித்துவிட்டு இந்த வருடம் நவம்பர் முதல் அடுத்த வருடம் பிப்ரவரி வரை இந்த புதிய படத்தில் அஜித் நடிப்பார் என்கிறார்கள்.

அதன்பின் மார்ச் மாதம் முதல் மீண்டும் அஜித் கார் ரேஸில் கலந்துகொள்ளவிருக்கிறார். இந்நிலையில், அஜித்தை வைத்து ஆதிக் ரவிச்சந்திரன் இயக்கவுள்ள அடுத்த படம் மிகவும் அதிக பட்ஜெட் கொண்ட கேங்ஸ்டர் படம் என சொல்லப்படுகிறது. அதோடு, அஜித்தின் புதிய படத்திற்கு 4 இயக்குனர்களை தேர்வு செய்து வைத்திருந்தார் அஜித். ஆனால், அவர்கள் சொன்ன கதையை விட ஆதிக் சொன்ன ஒன்லைன் நன்றாக இருந்ததால் அவர்களை ரிஜெக்ட் செய்துவிட்டு ஆதிக் இயக்கத்தில் நடிக்க சம்மதம் சொல்லியிருக்கிறார் என்கிறார்கள்.