சக்சஸ் மீட் நடத்தினா வசூல் வருமா?!.. 5 நாட்களில் குபேரன் வசூல் செய்தது என்ன?…

Kubera collection: தெலுங்கு பட இயக்குனர் சேகர் கம்முலா இயக்கத்தில் உருவாகியுள்ள திரைப்படம்தான் குபேரா. இந்த படத்தின் முதல் போஸ்டர் வெளியானபோதே எதிர்பார்ப்பு ஏற்பட்டது. அதற்கு காரணம் தனுஷின் தோற்றம்தான் . அதன்பின்னரே அவர் இந்த படத்தில் பிச்சைக்காரராக நடிப்பது தெரியவந்தது.

அதோடு இந்த படத்தில் நாகார்ஜுனா, ராஷ்மிகா மந்தனா ஆகியோரும் நடிப்பது தெரியவந்தது. மும்பை பின்னணியில் இந்த படத்தின் கதை உருவாக்கப்பட்டிருந்தது. தன்னுடைய பல லட்சம் கோடி கருப்பு பணத்தை வெள்ளைப்பணமாக மாற்றுவதற்காக ஒரு கார்ப்பரேட் முதலாளி போடும் திட்டத்தில் நாகார்ஜுனாவும், தனுஷும் எப்படி சிக்குகிறார்கள்?. கடைசியில் என்னவானது என்பதுதான் படத்தின் கதை.

இன்னும் சொல்லப்போனால் குபேரன் ஒரு சீரியஸ் சினிமா. தெலுங்கு படங்களில் வழக்கமாக வரும் கமர்ஷியல், மசாலா எதுவும் இதில் இல்லை. நாகார்ஜுனாவோ, தனுஷோ இந்த படத்தில் பாலையா போல பன்ச் வசனம் பேசவில்லை. ஆனாலும், தெலுங்கு சினிமா ரசிகர்களுக்கு இப்படம் பிடித்துவிட்டது. தமிழ்நாட்டில் தனுஷுக்காக முதல் 3 நாட்கள் ஓடினாலும் அதன்பின் வசூல் படுத்துவிட்டது. அதேபோல், ஹிந்தியிலும் பெரிய வசூல் இல்லை. தெலுங்கில் மட்டும் தொடர்ந்து இரண்டு டிஜிட்டில் வசூல் வருவதாக நேற்று செய்திகள் வெளியானது.

தனுஷ் சிறப்பாக நடித்திருக்கிறார். அவரால் மட்டுமே இதுபோன்ற வேடங்களில் நடிக்க முடியும் என இந்த படத்தின் சக்சஸ் மீட்டில் சிரஞ்சீவி பேசினார். அதோடு, தனுஷுக்கு தேசிய விருது கிடைக்க வேண்டும். இல்லையெனில் தேசிய விருதுக்கே அர்த்தமில்லை எனவும் அவர் பேசினார். ஆனால், புளூசட்ட மாறன் போன்றவர்கள் ‘படத்திற்கு வசூலே இல்லை. படம் வெளியான 2 நாளில் சக்சஸ் மீட் கொண்டாடி ரசிகர்களை ஏமாற்றுகிறார்கள்’ எனவும் சொல்லி வருகிறார்கள்.

இந்நிலையில், குபேரா படம் வெளியாகி 5 நாட்களில் இந்தியா மட்டும் வெளிநாட்டு வசூல் எல்லாம் சேர்த்து 60 கோடியை மட்டுமே வசூல் செய்திருப்பதாக சொல்லப்படுகிறது. முதல் 3 நாட்கள் வசூல் இருந்த நிலையில் அடுத்த 2 நாட்களில் வசூல் மொத்தமாக குறைந்துவிட்டது. 5வது நாளான நேற்று 5.50 கோடி வசூல் செய்திருக்கிறது. படம் வெளியாகி 5 நாட்களாகியும் இப்படம் 100 கோடியை கூட வசூல் செய்யவில்லை. ஆனால், படக்குழுவோ சக்சஸ் மீட் கொண்டாடிவிட்டார்கள்.