செல்லம் இப்படி ஒரு அப்டேட்டத்தான் எதிர்பார்த்தோம்! ‘விடாமுயற்சி’ பற்றி படத்தில் நடித்த நடிகர் சொன்ன சீக்ரெட்

அஜித்தின் நடிப்பில் விறுவிறுப்பாக நடந்து கொண்டிருக்கின்றது விடாமுயற்சி படத்தின் படப்பிடிப்பு. இந்த படத்தின் மொத்த படப்பிடிப்பும் அஜர்பைஜானில் நடந்து வருகிறது. ஒன்றரை வருடங்களை கடந்தும் இந்த படத்தின் படப்பிடிப்பில் கொஞ்சம் தொய்வு ஏற்பட்டது .இருந்தாலும் இந்த வருடம் விடாமுயற்சி படத்தை எப்படியாவது ரிலீஸ் செய்து விட வேண்டும் என்ற சூழ்நிலையில் ஒட்டுமொத்த படக் குழுவும் இருக்கிறார்கள்.

அறுபது சதவீத படப்பிடிப்பு முடிந்த நிலையில் மீதம் 40% படப்பிடிப்பு இருக்க இப்பொழுதுதான் அந்த படப்பிடிப்பில் சூடு பிடித்திருக்கிறது. அஜித் த்ரிஷா அர்ஜுன் ஆரவ் சம்பந்தப்பட்ட காட்சிகள் இப்போது படமாக்கப்பட்டு வருகின்றன. படத்தின் ஃபர்ஸ்ட் லுக், செகண்ட் லுக் என வெளியாகி ரசிகர்களை ஒருவித உற்சாகத்தில் வைத்திருக்கிறார்கள் விடாமுயற்சி படத்தின் படக்குழு.

இந்த நிலையில் விடாமுயற்சி படத்தில் ஒரு முக்கியமான கதாபாத்திரத்தில் நடித்திருக்கிறாராம் பிரபல குணச்சித்திர நடிகர் ஜீவா ரவி. பல படங்களில் ஒரு முக்கியமான கதாபாத்திரத்தில் நடித்து வரும் ஜீவா ரவி மகிழ்திருமேனி இயக்கிய அனைத்து படங்களிலும் இவரின் பயணம் என்பது தொடர்ந்து கொண்டே இருக்கின்றது.

அந்த வகையில் விடாமுயற்சி படத்திலும் இவர் நடித்திருக்கிறாராம். இந்த ஜூலை மாத இறுதியில் தான் இவருடைய காட்சி படமாக்கப்படும் என்று ஒரு பேட்டியில் அவர் கூறியிருக்கிறார். அது மட்டுமல்லாமல் விடாமுயற்சி படத்தை பற்றியும் ஒரு சில தகவல்களை அவர் கூறியிருக்கிறார்.

இந்த படத்தில் அஜித் யங் அஜித்தாகவும் நடித்து இருக்கிறாராம் . மங்காத்தாவில் அஜித்துக்கும் அர்ஜுனுக்கும் இடையே இருக்கும் அந்த காம்போ மாதிரி இந்த படத்தில் இருக்காது. அதைவிட வித்தியாசமான ஒரு காம்போவில் தான் இவர்கள் நடித்திருக்கிறார்கள். எல்லா தரப்பு பெண் ரசிகர்களுக்கும் பிடித்தமான கதாபாத்திரத்தில் அஜித் இந்த படத்தில் நடித்து வருகிறார்.

அஜித்தும் திருமேனியும் இணையும் காம்போ என்பது மிகவும் சுவாரசியமான ஒரு காம்போவாக இருக்கும். படத்தில் பட்டையை கிளப்பி இருக்கிறார்கள் என ஜீவா ரவி அந்த பேட்டியில் கூறி இருக்கிறார்.