தமிழ் சினிமாவில் பத்மபூஷன் விருது யாரெல்லாம் வாங்கிருக்காங்க தெரியுமா?.. இந்தாங்க லிஸ்ட்..!

தமிழ் சினிமாவில் தற்போது வரை பத்ம பூஷண் விருது பெற்ற நடிகர்கள் குறித்த தகவலை இந்த தொகுப்பில் நாம் தெரிந்து கொள்வோம். இந்திய அரசால் வழங்கப்படும் ஒரு குடியியல் விருது பத்மபூஷன் விருது. இந்த விருது 1954 ஆம் ஆண்டு இந்திய குடியரசு தலைவரால் ஏற்படுத்தப்பட்டது. இந்திய அரசால் வழங்கப்படும் விருதுகளில் பத்ம ஸ்ரீ, பத்ம விபூஷன், பத்மபூஷன் ஆகிய மூன்று விருதுகளும் உயிரிய விருதுகளாக பார்க்கப்படுகின்றது.

எந்த ஒரு துறையிலும் சிறந்து விளங்கும் ஒருவருக்கு இந்த விருது ஆண்டுதோறும் வழங்கப்பட்டு வருகின்றது. அந்த வகையில் தற்போது 76 ஆவது குடியரசு தினத்தை முன்னிட்டு மத்திய அரசு பத்மபூஷன் விருது வென்றவர்களின் பட்டியலை அறிவித்திருந்தது. கலை, அறிவியல், சமூக பணி, பொது பணி, அறிவியல், மருத்துவம், இலக்கியம், கல்வி, விளையாட்டுத்துறை உள்ளிட்ட பல்வேறு துறைகளில் சிறந்து விளங்குபவர்களுக்கு நாட்டின் உயரிய விருதான பத்ம விருதுகள் வழங்கப்படுகின்றது.

அந்த வகையில் இந்த ஆண்டு பத்மஸ்ரீ, பத்மபூஷன், பத்ம விபூஷன் ஆகிய விருதுகள் 139 பேருக்கு அறிவிக்கப்பட்டிருக்கின்றது. அதில் தமிழகத்தில் நடிகர் அஜித், கிரிக்கெட் வீரர் அஸ்வின், தொழிலதிபர் நல்லி குப்புசாமி உள்ளிட்ட 13 பேருக்கு பத்ம விருதுகள் அறிவிக்கப்பட்டிருக்கின்றன. நடிகர் அஜித்துக்கு பத்ம பூஷன் விருது வழங்கப்பட்டுள்ளது. இந்த விருதை பெறும் ஐந்தாவது நடிகர் அஜித்குமார் ஆவார்.

இந்த விருதை இதற்கு முன்பு யாரெல்லாம் பெற்றிருக்கிறார்கள் என்பதை குறித்து நாம் தெரிந்து கொள்வோம். தமிழ் சினிமாவில் இந்த விருதை முதன்முதலாக பெற்றவர் நடிகர் திலகம் சிவாஜி கணேசன் ஆவார். 1984 ஆம் ஆண்டு இந்த விருது அவருக்கு வழங்கப்பட்டது. அதனை தொடர்ந்து கிட்டத்தட்ட 16 வருடங்கள் கழித்து தமிழ் சினிமாவில் சூப்பர் ஸ்டார் என்று அழைக்கப்படும் நடிகர் ரஜினிகாந்த் அவர்களுக்கு பத்மபூஷன் விருது வழங்கப்பட்டது.

அதற்குப் பிறகு 2014 ஆம் ஆண்டு நடிகர் கமல்ஹாசன் அவர்களுக்கு இந்த விருதை வழங்கி மத்திய அரசு கௌரவித்தது. அதனைத் தொடர்ந்து கடந்த வருடம் 2024 ஆம் ஆண்டு மறைந்த நடிகரும் தேமுதிக கட்சியின் தலைவருமான கேப்டன் விஜயகாந்த் அவர்களுக்கு இந்த விருதை வழங்கி மத்திய அரசு கௌரவித்திருந்தது.

இதனை தொடர்ந்து தற்போது 2025 ஆம் ஆண்டு கலைத்துறை பிரிவில் நடிகர் அஜித் அவர்களுக்கு பத்மபூஷன் விருதினை மத்திய அரசு வழங்கியிருக்கின்றது. நேற்று இந்த விருது அறிவிக்கப்பட்ட நிலையில் சமூக வலைதள பக்கங்களில் தொடர்ந்து அஜித் அவர்களுக்கு பலரும் தங்களது வாழ்த்துக்களை தெரிவித்து வருகிறார்கள். மேலும் இந்த விருதை வழங்கிய மத்திய அரசுக்கு நடிகர் அஜித் என்னுடைய நன்றியினை தெரிவித்து இருந்தார்.