சித்திக் இயக்கிய தமிழ் படங்கள்… நேசமணியை மறக்க முடியுமா?

கேரளாவிலிருந்து வந்து தமிழ் சினிமாவில் அழுத்தமான முத்திரை பதித்தவர் இயக்குனர்களில் சமீபத்தில் மறைந்த சித்திக்கும் ஒருவர். நகைச்சுவையும் உணர்ச்சிகரமான கதைகளும் கலந்த இவரது திரைப்படங்கள் எப்போதும் தனித்துவமானவை.இவர் தமிழில் இயக்கிய பெரும்பான்மையான படங்கள் வெற்றியே. அது குறித்து இங்கே காண்போம். அதுமட்டுமின்றி இவர் இயக்கிய அனைத்து தமிழ் பட்ங்களும் ரீமேக் மட்டுமே செய்திருந்தார் என்பது குறிப்பிடதக்கது.

1. பிரண்ட்ஸ்

சித்திக் தமிழில் இயக்கிய முதல் திரைப்படம் இது. 2001-ம் ஆண்டு பொங்கல் வெளியீடாக வந்த இப்படம், மலையாளத்தில் அவரே இயக்கிய ‘பிரண்ட்ஸ்’ படத்தின் ரீமேக் ஆகும். விஜய், சூர்யா, தேவயானி, வடிவேலு , ராதாரவி என அதிக் நட்சத்திரபட்டாங்கள் நடித்த படம் இது. இளையராஜா இசையமைத்த இந்த படம் சூப்பர் ஹிட் ஆனது. இந்த வெற்றியில் முக்கிய பங்கு வடிவேலு காமெடி என்பது குறிப்பிடத்தக்கது. காண்ட்ராக்டர் நேசமணியை அவ்வளவு எளிதில் மறக்க முடியுமா?

2. எங்கள் அண்ணா

2003-ல் மம்மூட்டி நடிப்பில் வெளியான ‘குரோனிக் பேச்சலர்’ படத்தின் தமிழ் ரீமேக் இது. 2004 பொங்கலன்று வெளியானது. விஜயகாந்த், பிரபுதேவா, பாண்டியராஜன், வடிவேலு, நமீதா மற்றும் பலர் நடித்திருந்தனர். விஜயகாந்த் நடித்தது மட்டுமல்லாமல் இப்படத்தை தயாரித்து வெளியிட்டார். விஜய்கந்த் நடிப்பில் வெலிவந்த ஒரு முழு நீள காமெடி படம் இது. தேவா இசையில் பாடல்கள் வரவேற்பைப் பெற்றன. இப்படத்தில் பிரபுதேவா – வடிவேலு கூட்டணியின் காமெடியும் மக்களை வெகுவாகக் கவர்ந்தது.இப்படமும் ஒரு கமர்சியல் சூப்பர் ஹிட் படமாக அமைந்தது.

3. காவலன்

மலையாளத்தில் திலீப் நடித்த ‘பாடிகார்ட்’ படத்தின் தமிழ் ரீமேக். 2011 பொங்கலன்று இப்படம் திரைக்கு வந்தது. பிரண்ட்ஸ் வெற்றிக்கு பின் மீண்டும் சித்திக்குடன் விஜய் கை கோர்த்த படம் இது, அசின், ராஜ்கிரண், வடிவேலு உள்ளிட்டோர் முக்கிய கதாபாத்திரங்களில் நடித்தனர். வித்யாசாகரின் இசை மற்றும் படத்தின் கிளைமாக்ஸ் ட்விஸ்ட் ரசிகர்களை நெகிழ வைத்தது. பிரண்ட்ஸ் அளவிற்கு வெற்றி இல்லையென்றாலும் படம் நல்ல வரவேற்பையே பெற்றது.

4. சாது மிரண்டா

1995-ல் வெளியான ‘மன்னர் மத்தாய் ஸ்பீக்கிங்’ என்ற மலையாள படத்தின் தழுவலாக இப்படம் 2008 பிப்ரவரி 8-ல் வெளியானது. பிரசன்னா, அப்பாஸ், காவியா மாதவன், கருணாஸ் மற்றும் பலர் நடித்திருந்தனர். தீபக் தேவ் இசையமைத்த இப்படத்தில் காமெடி மற்றும் சஸ்பென்ஸ் கலந்திருந்தது. ரசிகர்களிடம் கலவையான விமர்சனங்களையே பெற்றது இப்படம்.

5. பாஸ்கர் ஒரு ராஸ்கல்

2015-ல் மம்மூட்டி நடிப்பில் வெற்றி பெற்ற ‘பாஸ்கர் தி ராஸ்கல்’ படத்தின் தமிழ் ரீமேக் இது. 2018 மே 17-ல் திரையிடப்பட்டது. அரவிந்த் சாமி, அமலா பால், சூரி, நாசர் மற்றும் பலர் நடித்திருந்தனர். குழந்தைகளுக்கான சென்டிமென்ட் மற்றும் காமெடிக்கு முக்கியத்துவம் கொடுத்து இப்படம் எடுக்கப்பட்டது. மலையாளத்தில் பெரிய வெற்றி பெற்றாலும், தமிழில் தோல்வியையே சந்தித்தது.