கேவிஎன் நிறுவனம் தயாரிப்பில் ஹெச்.வினோத் இயக்கி விஜய் நடித்திருக்கும் திரைப்படம் ஜனநாயகன். தெலுங்கில் பாலையா நடித்து வெற்றி பெற்ற பகவந்த் கேசரி படத்தின் தமிழ் ரீமேக்காக ஜனநாயகன் படம் உருவாகியுள்ளது. இந்த படத்தில் பூஜா ஹெக்டே, மமிதா பைஜூ, பாலிவுட் நடிகர் பாபி தியோல், பிரகாஷ்ராஜ் என பலரும் இந்த படத்தில் நடித்திருக்கிறார்கள். அனிருத் இசையமைத்துள்ள இந்த திரைப்படம் பொங்கலை முன்னிட்டு வருகிற 9ம் தேதி உலகமெங்கும் ரிலீஸாகவுள்ளது.
இந்த படத்தின் இசை வெளியீட்டு விழா மலேசியாவில் மிகவும் பிரமாண்டமாக நடந்தது. அதில் சுமார் ஒரு லட்சம் பேர் வரை கலந்து கொண்டதாக சொல்லப்படுகிறது. விஜய் அரசியலுக்கு சென்று விட்ட நிலையில் ஜனநாயகன் அவரின் கடைசிப் படமாக பார்க்கப்படுகிறது. எனவே இந்த படத்தை காண விஜய் ரசிகர்கள் மிகவும் எதிர்பார்ப்புடன் காத்திருக்கிறார்கள்.
இந்நிலையில்தான் ஜனநாயகன் படத்திற்கு சென்சார் மூலம் சிக்கல் வந்திருக்கிறது. இந்த படத்தை பார்த்த சென்சார் அதிகாரிள் சில மாறுதல்களை செய்ய சொல்ல அதையும் படக்குழு செய்து கொடுத்துவிட்டது. ஆனால் இதுவரை இந்த படத்துக்கு சென்சார் சான்றிதழ் கொடுக்கப்படவில்லை.
படம் வெளியாக இன்னும் மூன்று நாட்கள் மட்டுமே இருக்கும் நிலையில் இதுவரை சென்சார் சான்றிதழ் கொடுக்கப்படாதது தயாரிப்பு நிறுவனத்தை அப்செட் ஆக்கியிருக்கிறது. சென்சார் சான்றிதழ் கொடுக்காததோடு என்ன காரணத்திற்காக கொடுக்கவில்லை என்பதையும் சென்சார் சொல்ல மறுக்கிறார்களாம். இதையடுத்து நீதிமன்றத்தின் வழக்கு தொடர முடிவு செய்யப்பட்டிருக்கிறது. அநேகமாக கேவிஎன் புரடெக்ஷன் சார்பில் விரைவில் நீதிமன்றத்தில் வழக்கு தொடரப்படும் என தெரிகிறது.
