Kanguva: அப்போ அந்த வில்லன் இவருதானா…? சூர்யாவுக்காக தன் கொள்கையையே மாத்திட்டாரே!… வேற லெவல்…

கங்குவா திரைப்படத்தின் டிரைலர் நேற்று வெளியான நிலையில் அதில் நடிகர் கார்த்தி இடம்பெற்றிருப்பதும், அவர் இப்படத்தில் வில்லனாக நடித்துள்ளார் என்பதும் உறுதியாகி இருக்கின்றது.

நடிகர் சூர்யா: சினிமாவில் முன்னணி நடிகராக வலம் வருபவர் நடிகர் சூர்யா. தமிழ் சினிமாவில் வித்தியாசமான கதாபாத்திரங்களை தேர்வு செய்து நடித்து வருகின்றார். இவர் நடிப்பில் கடைசியாக வெளியான திரைப்படம் எதற்கும் துணிந்தவன். இந்த திரைப்படம் வெளியாகி இரண்டு ஆண்டுகளான நிலையில் தற்போது வரை சூர்யா நடிப்பில் எந்த திரைப்படமும் வெளியாகவில்லை.

இதையும் படிங்க: Surya: தன்னை விட அதிகமா சம்பளம் வாங்கிய ஜோதிகா… கல்யாணம் பண்ணத் தயங்கிய சூர்யா… அடுத்து நடந்தது என்ன?

கங்குவா திரைப்படம்: இயக்குனர் சிறுத்தை சிவா இயக்கத்தில் நடிகர் சூர்யா நடிப்பில் உருவாகி இருக்கும் திரைப்படம் கங்குவா. இந்தத் திரைப்படம் வருகிற நவம்பர் 14ஆம் தேதி திரையரங்குகளில் வெளியாக இருக்கின்றது. நாளுக்கு நாள் இப்படத்தின் எதிர்பார்ப்பு தொடர்ந்து அதிகரித்து வருகின்றது. நடிகர் சூர்யா இரட்டை கதாபாத்திரத்தில் நடித்து அசத்தி இருக்கின்றார். மேலும் இந்த திரைப்படம் இரண்டு பாகங்களாக எடுக்கப்பட்டுள்ளது.

மிகப்பெரிய பொருள் செலவில் உருவாகி இருக்கும் இப்படத்தை ஞானவேல் ராஜா தயாரித்து இருக்கின்றார். இந்த வாரம் இப்படம் வெளியாக உள்ளதால் படக்குழுவினர் ப்ரோமோஷன் வேலைகளில் தீவிரமாக ஈடுபட்டு வருகிறார்கள். இந்தியா முழுவதும் பல்வேறு இடங்களுக்கு சென்று நடிகர் சூர்யா ப்ரோமோஷன் செய்து வருகின்றார். நேற்று துபாய் சென்று படம் குறித்து ப்ரோமோஷன் செய்து வந்தார். சூர்யாவின் திரைப்படத்திலேயே அதிக திரையரங்குகளில் வெளியாகும் திரைப்படம் கங்குவா ஆகும்.

கார்த்தி கேமியோ: நடிகர் சூர்யாவின் தம்பியான நடிகர் கார்த்தி தமிழ் சினிமாவில் வளர்ந்து வரும் நடிகராக இருந்து வருகின்றார். இருவரும் இணைந்து படங்களில் நடிக்க வேண்டும் என்று பலரும் ஆசைப்பட்டு வந்தார்கள். அந்த ஆசை தற்போது கங்குவா படத்தின் மூலமாக நிறைவேறி இருக்கின்றது. ஆனால் இந்த திரைப்படத்தில் நடிகர் கார்த்தி வில்லன் கதாபாத்திரத்தில் நடித்திருப்பதாக கூறப்பட்டு வந்தது.

நேற்று இப்படத்தின் ட்ரெய்லர் வெளியான நிலையில் நடிகர் கார்த்தி கேமியோ ரோலில் நடிப்பது உறுதியாக இருக்கின்றது. அவரின் முகம் முழுவதும் திரையில் காட்டப்படவில்லை என்றாலும் அது கார்த்தி தான் என்று ரசிகர்கள் கணித்திருக்கிறார்கள். சூர்யாவும் கார்த்தியும் இணைந்து முதல்முறையாக நடித்திருப்பது மிகப்பெரிய எதிர்பார்ப்பை ஏற்படுத்தி இருக்கின்றது.

கார்த்தி கொள்கை: கார்த்தி இதுவரை தான் நடித்த எந்த திரைப்படங்களிலும் புகைப்பிடிப்பது போன்ற காட்சிகளில் நடித்ததில்லை. புகை பிடிக்கும் காட்சிகளில் நடிக்க மாட்டேன் என்பதை கொள்கையாக வைத்து இருக்கின்றார். ஆனால் தற்போது வெளியான கங்குவா ட்ரெய்லரில் கார்த்தி புகைபிடிப்பது போன்ற காட்சி இடம் பெற்றிருந்தது.

இதை பார்த்து ஷாக்கான ரசிகர்கள் கார்த்தி புகைப்பிடிக்கும் காட்சியில் நடித்துள்ளாரா? என்று ஆச்சரியத்துடன் கேட்டு வருகிறார். தனது அண்ணனுக்காக நடிகர் கார்த்தி தன் கொள்கையை மாற்றி இருக்கின்றார் என்று ரசிகர்கள் பலரும் கூறி வருகிறார்கள். மேலும் கார்த்தியின் வித்தியாசமான தோற்றம் இப்படத்தின் மீதான எதிர்பார்ப்பை மேலும் அதிகரித்துள்ளது என்று தான் கூற வேண்டும்.

இதையும் படிங்க: Delhi ganesh: மகனுக்கு டெல்லிகணேஷ் கொடுத்த டாஸ்க்… எல்லாம் சொல்லிக் கொடுத்தவர் அதை மட்டும் விட்டுட்டாரே..!

படத்தின் ஹைப்: கடந்த 2 வாரங்களாக கங்குவா படத்தின் படக்குழுவினர் தொடர்ந்து ப்ரோமோஷன் வேலைகளில் ஈடுபட்டு வருகிறார்கள். நாளுக்கு நாள் இந்த படம் குறித்து ரசிகர்களிடையே ஹைபை உருவாக்கி வருகிறார்கள் என்று தான் கூற வேண்டும். அதிலும் நடிகர் சூர்யா ஒவ்வொரு முறை ஒவ்வொரு இடங்களுக்கு செல்லும் போதெல்லாம் படம் குறித்து பேசி பேசி ரசிகர்களிடையே மிகப்பெரிய எதிர்பார்ப்பை உருவாக்கி வைத்திருக்கின்றார்.

இந்த திரைப்படம் பாகுபலி, ஆர்ஆர்ஆர் போன்ற படங்களை காட்டிலும் மிகப் பிரமாண்டமாக இருக்கும் என்று கூறப்படுகின்றது. படம் வரும் நவம்பர் 14ஆம் தேதி உலகம் முழுவதும் ஆயிரக்கணக்கான திரையரங்குகளில் சோலோவாக வெளியாக உள்ளது குறிப்பிடத்தக்கது.