26 கிலோ எடை குறைத்த சானியா மிர்சா –கனவுகளை நோக்கி மீண்டும் களத்தில் !

இந்திய டென்னிஸ் நட்சத்திரம் சானியா மிர்சா மீண்டும் டென்னிஸ் போட்டிகளில் விளையாடுவதறகாக 26 கிலோ எடையை 4 மாதத்தில் குறைத்துள்ளார்.

இந்தியா டென்னிஸ் நாயகியான சானியா மிர்ஸா திருமணமாகி குழந்தை பிறந்தபின்னர் டென்னிஸ் விளையாட்டுக்கு 2 ஆண்டுகள் இடைவெளி விட்டு இருந்தார். இப்போது மீண்டும் களத்துக்கு தயாராகி வருகிறார். ஜனவரி மாதம் நடக்க இருக்கும் முதல் கிராண்ட்ஸ்லாம் போட்டிகளில் அவர் இரட்டையர் பிரிவில் கலந்துகொள்ள இருக்கிறார்.

இதற்காக அவர் கடந்த 4 முதல் 5 மாதங்களாக கடுமையான உடல் பயிற்சிகளை மேற்கொண்டு 26 கிலோ எடையை குறைத்துள்ளார். இது குறித்து பேசியுள்ள அவர் ‘ எனக்கு உறுதுணையாக இருந்த எனது தாய் மற்றும் சகோதரிக்கு நன்றி. ஒலிம்பிக் போட்டிகள் எனது மனதில் உள்ளன. ஆனால் அவை எனது உடனடி இலக்கு அல்ல’ எனத் தெரிவித்துள்ளார்.