”முதலமைச்சர்” டைட்டில் கார்டு வருமா?.. ஜன நாயகன் ரிலீஸ் தேதி இதுதானாம்?.. நம்பலாமா?

விஜய் நடித்த “ஜன நாயகன்” திரைப்படம் மத்திய தணிக்கை வாரியத்தின் சான்றிதழுக்காக காத்திருக்கிறது. இன்று அல்லது நாளைக்குள் சான்றிதழ் கிடைக்கும் என எதிர்பார்க்கப்பட்டாலும், படம் தொடர்ந்து தாமதமாகி வருகிறது.

முதலில் ஏப்ரல் 30ஆம் தேதி படம் வெளியாகும் என ரசிகர்கள் எதிர்பார்த்தனர். ஆனால் அதே நாளில் தனுஷின் “கர” திரைப்படத்தை ரெட் ஜெயண்ட் மூவிஸ் வெளியிட உள்ளதால், அந்த தேதியில் “ஜன நாயகன்” வெளியாவதற்கான வாய்ப்பு இல்லை என்பது உறுதியாகியுள்ளது. இதற்கிடையில், சூர்யா நடித்த “கருப்பு” திரைப்படம் மே 14ஆம் தேதி வெளியாக உள்ளது. இதனால் “ஜன நாயகன்” மற்றும் “கருப்பு” திரைப்படங்கள் மோதுமா என்ற கேள்வி எழுந்துள்ளது.

இந்நிலையில், மே 4ஆம் தேதி சட்டமன்ற தேர்தல் முடிவுகள் வெளியாக உள்ளன. விஜய் நல்ல முன்னிலை பெறுவார் என்ற பேச்சுகள் பரவி வரும் நிலையில, இன்று திருச்செந்தூர் முருகன் கோயிலில் தரிசனம் செய்ததுள்ளார்.

“ஜன நாயகன்” படம் முழுவதும் இணையத்தில் கசிந்ததால் தயாரிப்பு தரப்புக்கு இழப்பு ஏற்பட்டுள்ளது. இருந்தாலும் தணிக்கை சான்றிதழ் தாமதமாகிக் கொண்டிருப்பது குறித்து கேள்விகள் எழுகின்றன. விரைவில் சான்றிதழ் கிடைக்கும் எனக் கூறப்படுகின்றது.

புதிய தகவல்களின் படி, மே 8ஆம் தேதி ஜனநாயகன் படம் வெளியாக நிறைய வாய்ப்புகள் அதிகம் என சினிமா வட்டாரங்களில் பேசப்படுகிறது. மேலும், தேர்தல் முடிவிற்கு பிறகு படம் வெளியாவதில் எந்தவிதமான பாதிப்பும் இருக்காது எனக் கூறப்படுகிறது. தேர்தலில் கிடைத்த வரவேற்பை விட படத்தில் அதிகமான வரவேற்பு கிடைக்கும் என்று எதிர்ப்பார்க்கப்படுகிறது.

தணிக்கை குழு சென்சார் சர்டிபிகேட் கொடுத்த உடன் படத்தின் ரிலீஸ் தேதியை அதிகாரப்பூர்வமாக ஜன நாயகன் படக்குழு அறிவிக்கும் என்கின்றனர். ஒருவேளை மேலும் தாமதமானால் கருப்பு படத்துடன் மோத அதிக வாய்ப்புகள் ஏற்படும் என்கின்றனர்.