விஜய் பாட்டை விட பெஸ்ட்டா இருக்கணும்!.. மாரி செல்வராஜை களமிறக்கும் திமுக!..

ரியேறும் பெருமாள் திரைப்படம் மூலம் தமிழ் சினிமாவில் இயக்குனராக களமிறங்கியவர் மாரி செல்வராஜ். அதன்பின் கர்ணன், மாமன்னன், வாழை, பைசன் ஆகிய திரைப்படங்களை இயக்கி கவனிக்கப்படும் ஒரு இயக்குனராக மாறியிருக்கிறார். தென் மாவட்டங்களில் தாழ்த்தப்பட்ட மக்கள் சந்தித்த பிரச்சனைகளை தொடர்ந்து தனது திரைப்படங்களில் பேசி வருகிறார் மாரி செல்வராஜ். ஒருபக்கம் மாமன்னன் படம் எடுத்தபோது உதயநிதிக்கும் அவர் நெருக்கமானவராக மாறினார். அப்படியே தற்போது அவர் திமுகவுக்கும் நெருக்கமானவராகவும் மாறி இருக்கிறார்.. உதயநிதியிம் மகன் இன்பநிதி சினிமாவில் அறிமுகமாகும் படத்தையும் மாரி செல்வராஜ்தான் இயக்கவுள்ளார்.

ஒருபக்கம், தமிழக அரசியலைப் பொறுத்தவரை தேர்தல் வந்துவிட்டாலே ஒவ்வொரு கட்சியும் அந்த கட்சியின் கொள்கையை பாடுவது போலவும். அந்த கட்சி தலைவரின் புகழ் பாடுவது போலவும் ஒரு பாட்டை உருவாக்குவது என்பது சமீப காலமாகவே டிரெண்ட்டாகி வருகிறது. கடந்த 2021 சட்டமன்ற தேர்தலில் கூட திமுக சார்பில் ‘ஸ்டாலின்தான் வராரு.. விடிவில் தரப் போறாரு’ என்கிற பாடலை உருவாக்கினார்கள். அந்த பாடல் மக்களிடம் வரவேற்பை பெற்றது.

ஒருபக்கம் நடிகர் விஜய் தமிழக வெற்றி கழகத்தை துவங்கியபோது ‘உங்கள் விஜய்.. உங்கள் விஜய்’ என்று ஒரு பாடலை உருவாக்கினார்கள். அந்த பாடலை விஜயே பாடியிருந்தார். தவெக தொடர்பான பொதுக்கூட்டங்கள், நிகழ்ச்சிகள், மாநாடு என எல்லா இடத்திலும் இந்த பாடல்தான் ஒலிக்கிறது.. இந்த பாட்டுக்கு மக்களிடம் நல்ல வரவேற்பும் இருக்கிறது..

இந்நிலையில், 2026 தேர்தல் நெருங்கிவரும் நிலையில், தவெக பாடலை விட ஒரு சிறப்பான பாடலை உருவாக்க வேண்டும் என நினைத்த திமுக இயக்குனர் மாரி செல்வராஜிடம் அந்த பொறுப்பை ஒப்படைத்திருக்கிறதாம். எனவே விரைவில் ஒரு இசையமைப்பாளரை பிடித்து பாடலை உருவாக்கி திமுக தலைவர் ஸ்டாலினை வைத்து அந்த வீடியோவை மாரி செல்வராஜ் இயக்கப் போகிறாராம். திமுக தேர்தல் பிரச்சார பாடலாக இந்த பாடல் எல்லா இடங்களிலும் ஒலிக்கும் எனத்தெரிகிறது.