சூர்யா44 படம் இப்படிதான் இருக்கும்?!… பூஜா ஹெக்டே கொடுத்த அப்டேட்!… இதுலயாச்சும் தப்பிச்சிருவாரா?…

சூர்யா 44 திரைப்படம் தொடர்பாக நடிகை பூஜா ஹெக்டே ஒரு அப்டேட் வெளியிட்டு இருக்கின்றார்.

தமிழ் சினிமாவில் மிகப் பிரபலமான நடிகர்களில் ஒருவராக வலம் வருபவர் நடிகர் சூர்யா. கடந்த இரண்டு வருடங்களாக சிறுத்தை சிவா இயக்கத்தில் கங்குவா என்கின்ற திரைப்படத்தில் நடித்து வந்தார். இந்த திரைப்படம் கடந்த நவம்பர் 14ஆம் தேதி திரையரங்குகளில் வெளியாகி ரசிகர்களிடையே கலவையான விமர்சனங்களை பெற்று வருகின்றது. தொடர்ந்து வசூல் ரீதியாகவும் சறுக்கல் ஏற்பட்டுள்ளது.

இதையும் படிங்க: நீங்களாம் மனுஷனா? முகமூடியை போட்டுக்கிட்டு நடிக்காதீங்க… தனுஷை போட்டு பொளந்த நயன்..

கங்குவா திரைப்படத்திற்கு பிறகு நடிகர் சூர்யா கமிட்டான திரைப்படம் சூர்யா 44. கார்த்திக் சுப்புராஜ் இயக்கத்தில் உருவாகி வரும் இப்படத்தின் படப்பிடிப்பு கடந்த மார்ச் மாதம் தொடங்கப்பட்டது. கார்த்திக் சுப்புராஜ் மற்றும் சூர்யாவின் காம்போ என்பது யாரும் எதிர்பார்க்காத விஷயமாக பார்க்கப்பட்டது. இந்த அறிவிப்பு ரசிகர்களிடையே மிகப்பெரிய ஆச்சரியத்தை ஏற்படுத்தியது.

புது கூட்டணியில் உருவாகும் படம் என்பதால் சூர்யா 44 திரைப்படத்தின் மீது ரசிகர்களுக்கு மிகுந்த எதிர்பார்ப்பு இருக்கின்றது. மேலும் இப்படத்தில் சூர்யாவுடன் இணைந்து பூஜா ஹெக்டே நடித்து வருகின்றார். கடந்த சில தினங்களுக்கு முன்பு சூர்யா 44 படத்தின் கிளிம்ஸ் வீடியோ மற்றும் போஸ்டர்களை பார்க்கும்போது இது ஒரு கேங்ஸ்டர் படமாக தான் இருக்கும் என்று பலரும் கூறிவந்தார்கள்.

பொதுவாக கார்த்திக் சுப்புராஜ் திரைப்படம் என்றாலே அது கேங்ஸ்டர் மற்றும் ஆக்சன் படமாக தான் இருக்கும். அப்படித்தான் இந்த திரைப்படமும் இருக்கும் என்பது ரசிகர்களின் கணிப்பாக இருக்கின்றது. அதற்கு ஏற்றது போல் தான் வெளிவந்த முதல் வீடியோவும் அமைந்திருந்தது. ஆனால் இந்த திரைப்படம் குறித்து கார்த்திக் சுப்புராஜ் கூறும்போது இது ஒரு காதல் படமாக இருக்கும் என்று தெரிவித்திருந்தார். இது அனைவருக்கும் சற்று அதிர்ச்சியை கொடுத்திருந்தது.

கார்த்திக் சுப்புராஜ் காதல் படம் இயக்குகிறாரா? என்று பலரும் ஆச்சரியத்துடன் கேட்டு வந்தார்கள். எனவே ரசிகர்கள் பலரும் ஆக்ஷன் கலந்த காதல் படமாக இருக்கும் என்று கூறி வந்தார்கள். இந்நிலையில் இப்படத்தில் கதாநாயகியாக நடித்து வரும் பூஜா ஹெக்டே இந்த திரைப்படம் குறித்து ஒரு அப்டேட் கொடுத்து இருக்கின்றார். ரசிகர்களின் கேள்விக்கு பதில் அளித்து வந்த பூஜா ஹெக்டே சூர்யா 44 படம் குறித்து பேசியிருந்தார்.

அதில் அவர் கூறியிருந்ததாவது ‘சூர்யா 44 திரைப்படம் ஒரு காதல் படமாக இருக்கும். கார்த்திக் சுப்புராஜ் காதல் கதை எழுதினால் எப்படி இருக்கும் என்பதை இப்படத்தின் மூலம் நீங்கள் தெரிந்து கொள்வீர்கள்’ என்று கூறியிருந்தார். இதன் மூலம் இப்படம் காதல் படம் என்பது உறுதியாகி இருக்கின்றது.

இதையும் படிங்க: Biggboss Tamil 8: ஏம்மா ‘மசாஜ்’ பண்றதுக்கா பிக்பாஸ் வந்த?… கழுவி ஊற்றும் ரசிகர்கள்!

சூர்யா 44 படத்தின் படப்பிடிப்பு ஏறத்தாழ முடிவடைந்துவிட்டது என்று கூறப்பட்டுள்ள நிலையில் அடுத்த வருடம் ஏப்ரல் மாதம் இப்படம் வெளியாகும் என்று எதிர்பார்க்கப்படுகின்றது. சூர்யா நடிப்பில் சமீபத்தில் வெளியான கங்குவா திரைப்படம் சூர்யாவுக்கு மிகப்பெரிய கம்போவாக இருக்கும் என்று எதிர்பார்த்த நிலையில் அது படுதோல்வியை சந்தித்து விட்டது. இதனால் சூர்யா 44 திரைப்படம் கட்டாயம் அவருக்கு வெற்றி படமாக பிளாக்பஸ்டர் படமாக இருக்க வேண்டும் என்பது ரசிகர்களின் கருத்தாக இருக்கின்றது.