சூப்பர் ஸ்டார் ரஜினிகாந்தின் திரைப்பயணத்தில் பல மைல்கல் படங்கள் இருந்தாலும், ரசிகர்களால் இன்றும் கொண்டாடப்படும், அவரது நடிப்புத் திறமை மற்றும் ஸ்டைலை பறைசாற்றும் 10 முத்தான திரைப்படங்கள் இதோ:
சூப்பர் ஸ்டார் ரஜினிகாந்தின் 10 முத்தான திரைப்படங்கள்
முள்ளும் மலரும் (1978)
இயக்குநர்: மகேந்திரன்
சிறப்பு: ரஜினிக்குள்ளே இருந்த மிகச்சிறந்த நடிகனை உலகிற்கு காட்டிய படம். ‘காளி’ என்கிற பாசமிகு அண்ணன் கதாபாத்திரத்தில், மிக எதார்த்தமான நடிப்பை வெளிப்படுத்தியிருப்பார். இது இன்றும் ரஜினியின் விருப்பமான படங்களில் ஒன்று.
ஆறிலிருந்து அறுபது வரை (1979)
இயக்குநர்: எஸ்.பி. முத்துராமன்
சிறப்பு: ஒரு நடுத்தர வர்க்க குடும்பத்தின் கஷ்டங்களை, உறவுகளின் வலியை மிக உருக்கமாகப் பதிவு செய்த படம். ரஜினியின் நடிப்புத் திறமையை உணர்வுப்பூர்வமாக காட்டிய படம்.
தளபதி (1991)
இயக்குநர்: மணிரத்னம்
சிறப்பு: மகாபாரதத்தின் கர்ணன்-துரியோதனன் நட்பை அடிப்படையாகக் கொண்ட காவியம். மம்முட்டியுடன் ரஜினி இணைந்து நடித்த படம் இது. இளையராஜாவின் இசை இப்படத்திற்கு மிகப்பெரிய பலம். இன்றைய கால இளைஞர்கள் கூட பாடலை கொண்டாடுகிறார்கள்.
பாட்ஷா (1995)
இயக்குநர்: சுரேஷ் கிருஷ்ணா
சிறப்பு: ரஜினியை ஒரு மாஸ் ஹீரோவாக அடுத்த கட்டத்திற்கு கொண்டு சென்ற படம். “நான் ஒரு தடவ சொன்னா, நூறு தடவ சொன்ன மாதிரி” என்ற வசனம் இன்றும் ரசிகர்களால் கொண்டாடப்படுகிறது.
முத்து (1995)
இயக்குநர்: கே.எஸ். ரவிக்குமார்
சிறப்பு: ஜப்பானிலும் மிகப்பெரிய வெற்றியைப் பெற்று, ரஜினியை சர்வதேச அளவில் அடையாளப்படுத்திய படம். நகைச்சுவை, காதல், விறுவிறுப்பு என அனைத்தும் கலந்த கமர்ஷியல் விருந்து.
படையப்பா (1999)
இயக்குநர்: கே.எஸ். ரவிக்குமார்
சிறப்பு: ஆறுபடையப்பன் கதாபாத்திரத்தில் ரஜினியின் கம்பீரமான நடிப்பு. ரம்யா கிருஷ்ணனின் நீலாம்பரி கதாபாத்திரம் மற்றும் இருவருக்குமான மோதல் காட்சி தமிழ் சினிமாவின் மிகச்சிறந்த தருணங்களில் ஒன்று. தற்போது ரீரிலீஸ் செய்யப்பட்டு நல்ல கலெக்சனை அள்ளியது.
சந்திரமுகி (2005)
இயக்குநர்: பி. வாசு
சிறப்பு: நீண்ட இடைவெளிக்குப் பிறகு ரஜினியின் பிரம்மாண்ட கம்பேக். உளவியல் சார்ந்த கதையில் வேட்டையன் மற்றும் டாக்டர் சரவணன் என இரு பரிமாணங்களில் மிரட்டியிருப்பார்.
சிவாஜி (2007)
இயக்குநர்: ஷங்கர்
சிறப்பு: ஊழலுக்கு எதிரான போராட்டம், பிரம்மாண்டமான மேக்கிங், ஏ.ஆர். ரகுமானின் இசை என ஒட்டுமொத்த ரசிகர்களையும் உற்சாகப்படுத்திய படம். ரஜினியின் ஸ்டைல் உச்சத்தில் இருந்த படம் இது.
எந்திரன் (2010)
இயக்குநர்: ஷங்கர்
சிறப்பு: இந்திய சினிமாவின் பிரம்மாண்டமான அறிவியல் புனைகதை திரைப்படம். சிட்டி என்ற ரோபோ மற்றும் டாக்டர் வசீகரன் என இரு கதாபாத்திரங்களிலும் ரஜினியின் நடிப்பு பிரமிக்க வைத்தது.
சாய் விகாஷ். இவர் டிஜிட்டல் செய்தி துறையில் துறையில் 15 ஆண்டுகள் அனுபவம் பெற்றவர். குறிப்பாக தமிழில் முன்னணி பத்திரிக்கைகளின் இணையதள் அசெய்தி பிரிவில் ஆசிரியராக பணியாற்றிய அனுபவம் கொண்டவர். சினிமா, அரசியல் சார்ந்த செய்திகள் வழங்குவதில் ஆர்வம் உள்ளவர்
மின் அஞ்சல் முகவரி cinereportrs@gmail.com