Rajini: இவருக்கு இல்லையாப்பா ஒரு என்ட்? லைன் அப்பில் மாஸ் காட்டும் சூப்பர் ஸ்டார்

ரஜினி தற்போது ஜெயிலர் 2 படத்தில் நடித்து வருகிறார். கடைசியாக அவர் நடிப்பில் வெளியான கூலி திரைப்படம் கலவையான விமர்சனத்தை பெற்றது. ஆனால் எப்போதும் போல வசூலில் பட்டையை கிளப்பியது. இந்த நிலையில் ஜெயிலர் 2 திரைப்படத்திற்கு பிறகு ரஜினி அடுத்தடுத்து எந்த எந்த படங்களில் நடிக்க போகிறார் என்பதை பற்றிய ஒரு அப்டேட் வந்திருக்கிறது.

இன்றைய இளம் தலைமுறை நடிகர்களுக்கே டஃப் கொடுக்கும் வகையில் அவருடைய லைன் அப் இருப்பதாகவே பார்க்கப்படுகிறது. இந்த வயதிலேயும் ஓய்வில்லாமல் தொடர்ந்து ஓடிக் கொண்டிருக்கிறார் ரஜினி. 75 வயதுள்ள மனிதர் போலவா இருக்கிறார்? வேகமாக நடப்பதும், வேலையில் சுறுசுறுப்பு காட்டுவதும் அடுத்த தலைமுறையினருக்கும் ஒரு முன்னுதாரணமாக இருக்கிறார்.

இந்த நிலையில் ஜெயிலர் 2 படத்தை முடித்ததும் அடுத்து ரஜினி சிபி சக்கரவர்த்தி இயக்கத்தில் ஒரு படத்தில் நடிக்க இருக்கிறார். இந்த படத்தை ரஜினியின் நண்பரும் நடிகருமான கமல்ஹாசன் தான் தன்னுடைய ராஜ்கமல் நிறுவனம் மூலம் தயாரிக்க இருக்கிறார். இந்தப் படத்திற்கு ரசிகர்கள் மத்தியில் ஒரு பெரும் எதிர்பார்ப்பு இருக்கிறது. இந்தப் படத்தின் புரோமோ சூட் அடுத்த வாரம் தொடங்க இருப்பதாக சொல்லப்படுகிறது.

ஜெயிலர் 2 படத்தின் படப்பிடிப்பு இந்த வாரம் முடிந்து விடும் என்றும் கூறப்படுகிறது. இதற்கிடையில் ரஜினியின் ஆட்டோபயோகிராஃபிக் வேலைகளும் நடந்து வருகின்றன. அதை எழுதும் முயற்சியிலும் ரஜினி இருக்கிறார். ரஜினி சிபி சக்கரவர்த்தி படத்தின் படப்பிடிப்பு ஏப்ரல் மாதம் தொடங்க இருப்பதாக தகவல் கிடைத்துள்ளது.

அதற்கு அடுத்தபடியாக ரஜினியும் கமலும் இணையும் படமும் அடுத்தவருடம் நடக்க இருக்கிறது. அது ரஜினிக்கு 174வது படமாகவும் கமலுக்கு 238 படமாகவும் இருக்கும். அதுமட்டுமில்லாமல் ரஜினி 175வது படம் குறித்த ஆலோசனைகளும் நடந்து வருவதாக சொல்லப்படுகிறது. கிட்டத்தட்ட 2028 வரை ரஜினி ஃபுல் டைட்டில்தான் இருக்க போகிறார்.