Review
Coolie: புதுசா ட்ரை பண்றேன்னு கோட்டை விட்டாரா லோகேஷ்?.. விமர்சகர்கள் சொல்வது என்ன?..
Coolie Movie Review: மாநகரம், கைதி, மாஸ்டர், விக்ரம், லியோ போன்ற அதிரடி ஆக்சன் திரைப்படங்களை இயக்கி ரசிகர்களிடம் பிரபலமானவர் லோகேஷ். ஐந்து படங்களிலேயே 50 கோடி சம்பளம் வாங்கும் இயக்குனராக மாறினார். இவர் படங்களில் கதை சொல்லப்படும் விதம் மிகவும் ஆழமாகவும், தீவிரமாகவும் (Intense) இருக்கும் அதனால்தான் இளைஞர்களுக்கு இவரை மிகவும் பிடித்து போனது. கைதி, விக்ரம் ஆகிய படங்களின் திரைக்கதையை பார்த்தால் இது புரியும்.
அதனால் தான் அவர் ரஜினியுடன் கூட்டணி வைத்ததால் கூலி படத்திற்கு மிகப்பெரிய எதிர்பார்ப்பு ஏற்பட்டது. உலகம் முழுவதும் முன்பதிவிலேயே கூலி படம் 110 கோடிக்கு மேல் வசூல் செய்தது. இன்று காலை உலகமெங்கும் கூலி திரைப்படம் வெளியானது. தமிழ்நாட்டில் முதல் காட்சி காலை 9 மணி என்றாலும் ஆந்திரா, கேரளா, கர்நாடகா போன்ற மாநிலங்களில் முதல் காட்சி அதிகாலை 6:00 மணிக்கே திரையிடப்பட்டது. அந்த படத்தை பார்த்துவிட்டு பல விமர்சகர்களும், ரசிகர்களும் twitter போன்ற சமூகவலை தினங்களில் படம் எப்படி இருக்கிறது என பேசி வருகிறார்கள்.
துவக்கத்தில் படம் மாஸாக இருக்கிறது, நாகார்ஜுனா செம ஸ்டைலாக இருக்கிறார்.. ஸ்ருதிஹாசன் நன்றாக நடித்திருக்கிறார்.. ரஜினி படத்தை தோளில் தூக்கி சுமந்திருக்கிறார்.. அனிருத்தின் பின்னணி இசை சிறப்பாக இருக்கிறது என பலரும் சொன்னார்கள். தற்போது படத்திற்கு கொஞ்சம் நெகட்டிவ் விமர்சனங்களும் வர துவங்கியிருக்கிறது. வழக்கமாக லோகேஷ் கனகராஜ் தனது படங்களில் அமைக்கும் திரைக்கதை கூலி படத்தில் இல்லை.. புதிதாக ஒரு ஆக்சன் ட்ராமாவை லோகேஷ் முயற்சி செய்து இருக்கிறார் என பலரும் சொல்லி வருகிறார்கள்.
இது பற்றி வெங்கி என்பவர் ட்விட்டரில் பதிவிட்ட போது ‘கூலி ஒரு பழிவாங்கும் டிராமாவாக உருவாகி இருக்கிறது. சில அம்சங்கள் படத்தில் நன்றாக இருந்தாலும் பல விஷயங்கள் அமெச்சூராக இருக்கிறது. லோகேஷ் கனகராஜின் முந்தைய படங்களை ஒப்பிட்டால் கூலி ஆவரேஜான படம்தான். கூலி படத்திற்கு லோகேஷ் கனகராஜ் அமைத்துள்ள திரைக்கதை பிளாஷ்பேக் மற்றும் கிளைமாக்ஸ் காட்சிகளில் ஒர்க் அவுட் ஆனாலும் மற்ற காட்சிகளில் ஒர்க் அவுட் ஆகவில்லை. சண்டைக்காட்சிகள் சிறப்பாக இருந்தாலும் முழு திரைக்கதையாக பார்க்கும் போது படம் ஆவரேஜாகவே இருக்கிறது அதனால் படம் ரசிகர்கள் மனதில் பெரிய பாதிப்பை ஏற்படுத்தவில்லை.
ரஜினி வழக்கம்போல் படத்தை தாங்கி பிடித்து இருக்கிறார். அவருக்கான சில காட்சிகளும் இருக்கிறது. அவரை அண்டர் பிளே செய்ய வைத்திருக்கிறார் லோகேஷ். நாகார்ஜுனா ஸ்டைலிஷ் ஆகவும் சிறப்பாகவும் நடித்திருக்கிறார். ஆனால் படத்தின் இரண்டாம் பாதியில் வரும் கேமியா கதாபாத்திரங்கள் திணிக்கப்பட்டு இருப்பது போலவே தெரிகிறது. அனிருத் அவரால் என்ன செய்ய முடியுமோ அதை செய்திருக்கிறார் டெக்னிக்கலாக படம் நன்றாக இருந்தாலும் லோகேஷின் வழக்கமான ஸ்டைல் இந்த படத்தில் மிஸ்ஸிங். எனவே பெரிய எதிர்பார்ப்போடு படம் பார்த்தீர்கள் என்றால் ஏமாந்து போவீர்கள் என சொல்லி 2.5/5 மதிப்பெண் மட்டுமே கொடுத்திருக்கிறார்.
அவர் மட்டுமல்ல.. வழக்கமான லோகேஷ் படத்தை எதிர்பார்த்து படம் பார்க்கப் போன பலரும் கூலி படம் அப்படி இல்லை என்று சொல்லி வருகிறார்கள். படத்தில் ரஜினிகாந்த், நாகார்ஜுனா, அனிருத் ஆகியோர் தங்களின் வேலையை சிறப்பாக செய்திருந்தாலும் படத்தின் கதை.. கொஞ்சம் குழப்பமான திரைக்கதை.. படத்தில் அங்கங்கே இருக்கும் தொய்வு ஆகியவை மைனஸாக இருக்கிறது என சிலர் பதிவிட்டு வருகிறார்கள்.
